"Ermənistan bu gün klassik imperializmin maşası rolunu məmnuniyyətlə öz götürüb" - POLİTOLOQ

"Bizə bəllidir ki, Avropa Parlamenti yalanın, riyakarlığın, korrupsiyanın mənbəyinə çevrilib. Bu gün Avropa Parlamentində əlaqələrin kifayət qədər aşağı səviyyədə olması, siyasi institutların Avropa Parlamentinə təsir imkanlarının olmasına baxmayaraq, qərb mərkəzlərinin bu məsələdə səssizliyi Avropa Parlamentini birmənalı şəkildə Fransanın və qərbdəki erməni diasporasının pullarının əsirinə çevirib. Belə bir məqamda əlbəttə Azərbaycan əleyhinə bütün düşmən qüvvələrin səfərbər olunduğu bir platforma halına gəlib".

Bu sözləri BiG.AZ-a açıqlamasında politoloq Tural İsmayılov deyib. Onun sözlərinə görə, Bugün Avropa Parlamenti təkcə erməni faşizmini dəstəkləmir. Eyni zamanda xaricdəki Azərbaycan əleyhinə fəaliyyət göstərən və blogger maskası geyinmiş bir çox adamları daim təşviq edir. Onları öz platformalarına çıxardır. Belə bir qurumun bundan sonra hansısa bir ədalətdən danışmağı əlbəttə ki, yersizdir. Ermənistanın baş nazirini Avropa Parlamentinə çıxardıb Azərbaycan əleyhinə böhtanlar atan bir siyasi təşkilatın beynəlxalq münasibətdə ədalət, hüquq insan haqları ilə bağlı ümumiyyətlə deməyə hansısa bir sözü olmamalıdır. Təbii ki, burada Azərbaycan və Türkiyənin regional gücdən qlobal gücə çevrilməyi məsələsi önəmli faktorlardan biridir.

Son olaraq politoloq bildirib ki, Faktiki olaraq Avropa Parlamenti Ermənistandan oyuncaq kimi istifadə edir: Ermənistan bu gün klassik imperializmin maşası rolunu məmnuniyyətlə öz götürüb. Ermənistanın bu imperializmə maşa olmaq rolunu öhdəliyindən istifadə edən Avropa Parlamenti və başqa qurumlar Azərbaycan əleyhinə təəssüf ki, mərkəzi olmağa davam edir. Bu bəyanatların məqsədi Azərbaycana təsir göstərmək və siyasi qərarlarında dəyişikliyə nail olmaqdır. Belə vasitələr ilə Azərbaycana təzyiq edilə bilməyəcəyini hələdə anlamır".

Telegramda izləyin