Qəzza humanitar fəlakətin astanasındadır: Elektrik, su, dərman, qida yoxdur

İsrailin qırğınlar törətdiyi Qəzzada yaşayış şəraiti günü-gündən çətinləşir.

Sonxeber.az xəbər verir ki, Qəzzada məhdud miqdarda su eşşək və at arabaları ilə paylanır və qəzzalılar çörək almaq üçün saatlarla gözləməli olurlar. Epidemiyaların artdığı Qəzza humanitar fəlakətin astanasındadır.

Elektrik, su, qida və dərman kimi ən əsas insan ehtiyaclarının belə İsrailin məhdudiyyətlərinə məruz qalması Qəzzanı humanitar fəlakətin astanasına gətirib.

Bölgəyə çatdırılmasına icazə verilən yardım milyonlarla Qəzzalının ehtiyaclarını ödəməkdən uzaqdır.

Ümumdünya Səhiyyə Təşkilatı Qəzzanın həddindən artıq sıxlıq, yerdəyişmə, su və çirkab su drenaj sistemlərinin zədələnməsi səbəbindən ictimai sağlamlıq fəlakətinin astanasında olduğunu bildirib.

İnfrastrukturun tamamilə dağıldığı Qəzzada məhdud miqdarda su eşşək və at arabaları ilə paylanır.

Qəzzalılar hətta çörək almaq üçün saatlarla növbə gözləməli olurlar.

Qəzzaya məhdud ərzaq yardımının çatdırılmasına icazə verilsə də, bölgəyə yanacağın girişi qadağandır.

Su və ərzaq qıtlığı ilə yanaşı, tibbi ləvazimatların çatışmazlığı da mühüm problemlərdir.

Qəzzada humanitar ehtiyacları qarşılaya bilmədiyi üçün epidemiya xəstəlikləri sürətlə artır.

Telegramda izləyin