Xankəndidə ikinci Zəfər muzeyi açıla bilər? - ŞƏRH

Torpaqlarımız işğaldan azad edilmə prosesi başa çatdıqdan sonra, Azərbaycan ordusunun misilsiz qəhrəmanlığını və tarixi qələbəsini nümayiş etdirmək üçün Vətən Müharibəsi Memorial Kompleksinin və Qələbə Muzeyinin, Hərbi Qənimət Parkının əsası qoyuldu. Zəfər Ermənistan ordusunun necə məhv edildiyini sübut etməklə yanaşı, illərlə Ermənistan ordusunda və onun rəhbərlərində məğlubedilməzlik mifini yaradan acınacaqlı halları bütün çılpaqlığı ilə ortaya qoyur.İşğaldan azad edilmiş ərazilərdə, xüsusilə Xankəndidə ikinci Zəfər muzeyi açıla bilər?

Sonxeber.az xəbər verir ki, movzu ilə bağlı siyasi şərhçi Sədrəddin Soltan BiG.AZ-a açıqlama verib. Azərbaycanın hər yerində Zəfər muzeyi açıla bilər:

"Çünki ölkənin hər kəndinin bu Zəfərin qazanılmasında əməyi var. Azərbaycanın elə bir rayonu, şəhəri yoxdur ki, orada şəhid olmasın. Xankəndidə muzayin açılması da mümkündür. Bu şəhər həm də uzun illər Azərbaycandan uzaq düşüb. Burada muzayin, yaxud Qələbənin, Şəhidlərin. Qaziləri xatirəsinin yad edilməsi üçün başqa abidələrin açılması da mümkündür.

Bunun həm tarixi, həm də ərazi bütövlüyünü və suvrenliyin təmin olunması baxımından əhəmiyyəti var. Belə muzeylərin, mədəni yerlərin açılması gələcək nəsil üçün də tərbiyəvi baxımdan önəmlidir".

İşğaldan azad edilmiş torpaqların hər santimetrində ermənilərin ağlasığmaz qəddarlığının, misli görünməmiş cinayətlərinin izlərini görmək olar. Zəfərimizi əsl qalib ölkə kimi nümayiş etdirmək və şəhidlərimizin xatirəsini qoruyub saxlamaq bir xalq olaraq bizim borcumuzdur və böyük şərəfdir.

Telegramda izləyin