Rəssam həmkarını zorladı

Rusiyanın Sankt-Peterburq şəhərində rəssam və tatu ustası Anna Panteleeva həmkarı Viktor Zabuqanı zorlamaqda ittiham edib. O, bu barədə İnstaqram hesabında məlumat verib.

Lent.az yerli mediaya istinadla bildirir ki, qızın sözlərinə görə, hadisə 2021-ci ilin may ayında olub. O, Zabuqanın bir neçə başqa dostu ilə birlikdə onun evinə qonaq gəlib. Panteleeva vurğulayıb ki, o zaman o, sənətkarı həyatında üçüncü dəfə görüb. Qadın narkotikdən istifadə edib və bundan sonra "huşunu itirib".

Sənətçinin sözlərinə görə, Zabuqa otağın işığını söndürərək onu soyundurmağa başlayanda o, huşsuz vəziyyətdə yerdə uzanıb. "Hərəkətsiz qalmışdım. Növbəti fraqment seksdir, onu çətin ki, seks adlandırmaq olar, çünki mən meyit kimi uzanırdım və heç nə edə bilmirdim", - Panteleeva yazıb.

O əlavə edib ki, hadisədən sonra Zabuqa ona çılpaq fotosunu göndərib və qız hadisə haqqında danışmaq qərarına gələrsə, kadrı dərc edəcəyi ilə hədələməyə başlayıb.

Telegramda izləyin