"Paşinyan qərbə sığınmaqla "Böyük Ermənistan" xülyasını gerçəkləşdirməyə çalaşır" - DEPUTAT

Bu gün Nikol Paşinyan sülhdən imtina etmək üçün Ermənistanı tamamilə qərbin himayəsinə verməyə çalışır. Bu gün Brüsseldə keçiriləcək ABŞ, Aİ və Ermənsitanın iştirakı ilə keçiriləcək görüş bu planın tərkib hissəsidir.

Bununla bağlı Sonxeber.az-a danışan deputat Aydın Mirzəzadə bildirib ki, Ermənistanın iki stolda oturmaq siyasəti birinci dəfə deyil:

"Ermənistan hər zaman digər dövlətlərin himayəsi altında özünün çirkin niyyətlərini reallaşdırmaq üçün addımlar atır. Bu gün Ermənistan qərbə sığınmaqla onun tərkib hissəsi olmur, əksinə həmin imkanlardan istifadə edərək özünün Böyük Ermənistan xülyasını gerçəkləşdirməyə çalaşır. Həmçinin qərbin bəzi dairələrinin lüzumsuz dəstəyi Ermənistanda müharibə abu-havasını yaradır. Amma unudurlar ki, bu gün regionda geosiyasi vəziyyət əvvəlki kimi deyil. Siyasi struktur yenidən qurulub. 3 müstəqil dövlət arasında Azərbaycan və Gürcüstan regionda sülhün davamlı olmasına çalşır. Ermənistan öz yerini ilk olaraq beynəlxalq hüquqa və sülhə uyğun olaraq tapmağa çalışmalıdır. Bu olmasa Ermənistanın problemləri artmaqda davam edəcək. Azərbaycanın gücü və qətiyyəti hər zaman öz sözünü deyəcək".

Telegramda izləyin