Qazilərdən qınaq: "O formanı geyinib adımıza ləkə salanlar var" - VİDEO

Xəbər verdiyimiz kimi, Sumqayıtda özünü qazi kimi təqdim etməklə, hərbi geyimdə obyektlərə və restoranlara daxil olub ona maddi köməklik edilməsini tələb edən Şirvan sakini 1990-cı il təvəllüdlü Nəzər Məmmədov saxlanılıb.

Cəmiyyətdən hələ də müəyyən olunmayan bu qəbildən olan insanların mövcudluğu şübhə doğurmur. Bu da həqiqətən Vətən müharibəsində iştirak edən, canı və qanı bahasına torpaqlarımızı işğaldan azad edərək sağlamlığını təhlükəyə atan qazilərimizin haqlı narazılığına səbəb olub.

Sonxeber.az xəbər verir ki, 12 ilə yaxın müddətdə xüsusi təyinatlı olaraq kəşfiyyat bölmələrində, xüsusi əməliyyat taborunda xidmət edən və 2020-ci ildə Vətən müharibəsində qəhrəmanlıqla iştirak edən qazimiz Xankişi Yusubov "Apa TV"yə açıqlama verib. O deyir ki, canlarından keçməyi gözə alan qazilərimizin adından istifadə onların heysiyyatına toxunur:

"Əsl hərbçilər, döyüşçülər və kişi kimi döyüşüb vətənə və xalqına sədaqətlə xidmət edən oğlanlar heç bir statusundan istifadə etmir. Amma heç bir əlilliyi, qaziliyi, veteranlığı olmadan həqiqətən boş insanlar var ki, əsgərlik belə keçməyib, həmin formanı geyinir və bizim adımıza ləkə salırlar. Sadəcə o insanların vicdanı və şərəfi olmalıdır ki, həmin insanların haqqına girməsin".

Qazi Vətən Cəfərlidə bildirib ki, bu kimi hallar ərazilərin adına ləkədir.

Ətraflı "Apa TV"nin süjetində:

Telegramda izləyin