Azərbaycana gələn turistlər Bakıdan çıxmağa niyə qorxurlar? - Ekspertlər elə səbəblər göstərdilər ki...

Azərbaycana gələn turistlər Bakıdan çıxmağa niyə qorxurlar? - Ekspertlər elə səbəblər göstərdilər ki...Pandemiyanın ən çox ziyan vurduğu sahələrdən biri də turizm sektorudur. Bu dövrdə dünya ölkələrinin çoxu, o cümlədən Azərbaycan da öz sərhədlərini bağlamışdı. Hələ quru sərhədlər açılmasa da, ölkəmizə turist axını yenidən bərpa olunur. Lakin Azərbaycana gələn turistlərin 80 faizi Bakı şəhərinə üstünlük verirlər. Bu o deməkdir ki, ölkəyə gələn hər 10 turistdən cəmi 2-si Bakıdan kənara, rayonlara gedirlər. Turistlərin ikinci ən çox üstünlük verdiyi rayon Qusardır. Azərbaycana gələnlərin 8.8 faizi sözügedən rayonda qalıblar. Bütövlükdə, xarici turistlərin 3,1 faizi Naftalanda, 2,9 faizi Qubada, 2,5 faizi Qəbələdə, 0,4 faizi Şabranda, 1,4 faizi isə digər şəhər və rayonlardakı mehmanxanalarda qeydə alınmışdır.

Göründüyü kimi, bölgələrimiz xarici turist cəlb etməkdə paytaxt hotellərinə yenə də uduzurlar. Paytaxtın infrastrukturunu nəzərə aldıqda, bu normal qarşılansa da, regional gecələmə sayında fərqin böyük olması diqqəti çəkir. Təəssüf ki, hələ də bölgələr turizm potensialını tam təqdim edə bilmirlər. Digər tərəfdən, əksər rayonlarda turizm xidmətlərinin qiyməti yüksək olaraq qalmaqdadır. Keyfiyyət isə hələ də standartlardan geri qalır.

Bu barədə turizm məsələləri üzrə ekspert Əziz Şiriyev Publika.az-a açıqlama verib.

O qeyd edib ki, gələn turistlərin Bakıda qalmasının bir neçə səbəbi var:

"Bunlardan biri Bakının həqiqətən də çox gözəl olmasıdır. Gələn turistlərin əksəriyyəti 3 gecə/4 gün, 4 gecə/5 gün gəldiyinə görə, o vaxt ərzində Bakı, Qobustan, palçıq vulkanı, Abşeron, Yanardağ, Qala muzeylərinə səfərlər edirlər. Bəzən alış-veriş də edirlər. Amma bu da işin əsas səbəblərindən biri olmamalıdır. Ümumiyyətlə, regionlardakı hava limanları gücləndirilmiş iş rejiminə keçməlidir Daha da münasib qiymətlərlə geniş imkanlar yaradılmalıdır. Məsələn, Qəbələdə bu prosesi keçdik. Ərəb və Körfəz ölkələrindən gələn turistlərin 90 % birbaşa uçuşlarla Qəbələyə gəlirdilər. Həm orada qalırdılar, həm də gəzirdilər. Həmçinin Qəbələ ilə yanaşı oradan da Şəki, Zaqatala, Qax və Balakənə gedirdilər".

2024-cü ilin ilk rübündə hotellərdə qalanların sayı 2023-cü ilin eyni dövrü ilə müqayisədə 41,9 faiz artaraq 779,4 min olub. Yerli və xarici turistlər daxil olmaqla gecələmələrin ümumi sayının 64,7 faizi Bakıda, 9,3 faizi Qusarda, 4,0 faizi Naftalanda, 3,9 faizi Qubada, 3,6 faizi Şabranda, 3,0 faizi Qəbələdə, 1,8 faizi Lənkəranda, 1,1 faizi Gəncədə, 1,0 faizi Naxçıvan Muxtar Respublikasında və 7,6 faizi digər şəhər və rayonlardakı hotellərdə qeydə alınıb.

Ekspert əlavə edib ki, turistlər üçün yeni imkanlar yaradılmalıdır:

"Qərb və cənub bölgələrində hava limanları var. Ona görə də həmin istiqamətlər üzrə reyslər həyata keçirmək olar. Daha çox turistləri cəlb etmək üçün gələn qonaqları Gəncə hava limanından ödənişsiz olaraq Naftalana aparmaq olar. Bu da sağlamlıq turizminə öz töhfəsini verəcək. Bakıya gələn turistlərin əksəriyyəti ya Qubaya, ya da Qəbələyə gedir. Bölgələrdə festivallar keçirsək, daha maraqlı olar. Bizim çox gözəl toy adət-ənənələrimiz, milli mətbəximiz var. Hər bir bölgənin öz mətbəxi var. Beləliklə, fərqli yanaşsaq, bölgələri daha da maraqlı edə bilərik. Xüsusən 44 günlük zəfərdən sonra ölkəmizin nüfuzu dünyada daha da artmışdır. Buna görə də daha çox turisti cəlb etmək imkanımız var. Xüsusən Qarabağ bölgəsinə yaxın gələcəkdə minlərlə turisti cəlb etmək imkanımız olacaq. Digər bölgələrin potensialı olduqca yüksəkdir. Sadəcə xüsusi proqramlarla həmin yerləri daha da əyləncəli etmək lazımdır".

Turizm eksperti Ceyhun Aşurov deyib ki, Bakıda hotellər daha çoxdur, bu da turistlər üçün əlverişlidir:

"Ölkəyə giriş-çıxış yalnız Bakıdan, yəni Heydər Əliyev Beynəlxalq Aeroportundan həyata keçirilir. Statistikaya görə uçuşların 90%-dən çoxu yalnız bu hava limanından baş tutur. Bu həm də o deməkdir ki, əcnəbilər Bakıya gəlməklə bir neçə gününü burada keçirirlər. Rayona gedənlərlə yanaşı, getməyənlər də olur. Rayona gedənlər də orada uzunmüddətli qalmırlar. Çünki qayıdanda yenə Heydər Əliyev Beynəlxalq Aeroportundan qayıdacaqlar. Bütün bunlar əlavə xərc və enerji itkisidir. Turistdə istirahətə gəlib, yorulmaq istəmir. Həm büdcəsinə, həm də əlçatanlığına görə Bakını seçir. 4-5 günlük gələn turist rayonlara gedərsə, günün çox hissəsini yolda itirmiş olacaq".


Sonxeber.az Telegramda izləyin instagramda izləyin
  Baxılıb: 709   Tarix: 09 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Bu gündən Bakıdakı əsas körpülərdən biri BAĞLANIR

Bu gündən saat 17:00-dan etibarən Cavanşir körpüsü üzərində nəqliyyatın hərəkəti məhdudlaşdırılacaq. Bu barədə -a Rəqəmsal İnkişaf və Nəqliyyat Nazirliyinin Mətbuat xidməti məlumat verib. Bildirilib ki, Bakının Xətai rayonunda yerləşən Cavanşir körpüsünün sökülməsi və təmir işləri ilə əlaqədar ərazid

20 may
.

Faiq Ağayev kimdir? - 3 dəfə ölüb dirilən, oğlunu hamıdan gizlədən Xalq artisti

"Bioqrafiya" rubrikasında Xalq artisti, estrada müğənnisi Faiq Ağayev barədə məlumat verir. - Faiq Ağayev harada anadan olub, neçə yaşı var?. Faiq Balağa oğlu Ağayev 29 dekabr 1971-ci ildə Bakıda anadan olub. - Faiq Ağayev harada təhsil alıb?. Ailəsi onun həkim olmasını istəyib. Bu sahədə təhsi

17 may
.

Avtomobili və sürücülük vəsiqəsi olmayan şəxsə cərimə YAZILDI - VİDEO

Avtomobili və sürücülük vəsiqəsi olmayan Ağdaş sakininin yaşadığı ünvana radara düşməsi ilə bağlı cərimə protokolu gəlib. -ın məlumatına görə, Ağdaş rayonu, Qolqəti kənd sakini 17 yaşlı Orxan Həsənov deyir ki, hazırda adında radara düşməsi ilə bağlı iki cərimə protokolu var. Orxan Həsənov bildirib ki

18 may
.

"Məzun günü" üçün restoranlarda yer tapılmır - VİDEO

"Məzun günü"nə sayılı günlər qaldığından restoranlara tələbat artıb. Artıq bəzi məkanlarda yer tapılmır, qiymətlərdə isə əvvəlki illərə nisbətən artım müşahidə olunur. Restoran administratorlarının sözlərinə görə, qiymətlərin yüksək olmasının əsas səbəbi ərzaq qidalarının, xüsusilə də, ət v

18 may
.

Niyə yaşlı qadınlar gənc kişilərə üstünlük verirlər? - MARAQLI SORĞU NƏTİCƏLƏRİ

Son illərdə yaşlı qadınların gənc kişilərə marağının artması daha çox diqqət mərkəzinə düşür. xarici KİV-ə istinadən xəbər verir ki, 2024-cü il sorğusuna görə, gənc kişilərlə görüşən qadınların 57 faizi cinsi məmnunluq kateqoriyasında münasibətlərini "yaxşı"dan "əla"ya qədər qiymətləndirir

17 may
.

12 il gizlədilən HƏQİQƏT: yadplanetlilər siyasətçiyə nə ediblər? - ETİRAF ETDİ

Əgər əvvəllər yadplanetlilərlə təmasların sübutu çox nadir hallarda olurdusa, indi getdikcə daha çox hörmətli insanlar həyatlarında belə izaholunmaz hadisələrin baş verdiyini etiraf edirlər. Yerdənkənar sivilizasiyaların nümayəndələri tərəfindən oğurlananlar tez-tez həqiqəti söyləməkdən qorxduqları üçü

17 may
.

Qəzada həlak olan İran rəsmilərinin ADLARI və FOTOLARI

İran prezidenti İbrahim Rəisinin qəzaya uğradığı helikopterdə olan sərnişinlərin siyahısı açıqlanıb. Bu barədə İRNA agentliyi məlumat yayıb. Bildirilib ki, qəza zamanı helikopterin göyərtəsində prezidentdən başqa Höccətül-İslam Seyid Məhəmməd Əl Haşemi, İmam Cümə Təbrizi, xarici işlər naziri Hüseyn Əmi

20 may
.

DİN xaricdə təhsil almaq istəyənlərə XƏBƏRDARLIQ etdi - FOTO

Daxili İşlər Nazirliyi (DİN) vətəndaşlara xarici ölkələrdə təhsil almaqla bağlı göndərilən təklifləri cavablandırmazdan öncə mütləq araşdırma aparmağı tövsiyə edib. -ın məlumatına görə, bununla bağlı qurumun yaydığı xəbərdarlıqda deyilir ki, xarici ölkələrdə təhsil almaq arzusunu reallaşdırmazdan önc

18 may
.

Mustafa Ceceli azərbaycanlı jurnalistdən üzr istədi - VİDEO

Türkiyəli müğənni Mustafa Ceceli Xəzər TV-nin müxbirindən üzr istəyib. Bu barədə "Xəzər axşamı" verilişində məlumat verilib. Qeyd olunub ki, ötən il sözügedən jurnalistlə ifaçı arasında yanlış anlaşılmadan dolayı problem yaşanmışdı. Onlar bir il sonra yenidən bir araya gəliblər və Ceceli bunlar

18 may