Azərbaycanda müəllimlərin təkrar sertifikasiya imtahanları LƏĞV EDİLİR? - AÇIQLAMA

MİQ imtahanları müəllimlərin işə qəbulu prosesidir. Bu zaman namizədlər imtahan verir və müsahibə mərhələsində test imtahanlarının nəticələrinə əsasən vakant yer tutmaq hüququ qazanmış şəxslərin bilik və bacarıqları, psixoloji hazırlığı və ümumi dünyagörüşü yoxlanılır. Amma müəllimlər bu gün başqa bir məktəbdə işləyən müəllimlər yenidən sertifikasiya imtahanı vermək məcburiyyətində qalır. Bu baxımdan müəllimlərin sadəcə bir dəfə sertifikasiya imtahan vermək qaydası tətbiq edilə bilər?

Mövzu ilə bağlı Sonxeber.az-a danışan təhsil məsələləri üzrə ekspert Elşən Qafarov deyib ki, bu cür sistemin yaradılması mümkünsüzdür və sözügedən təklif doğru yanaşma deyil:

"Müəllim bir işdən çıxırsa, müəllimlərin işə qəbulu müsabiqəsi yaxud yerdəyişmə və qarşılıqlı yerdəyişməsi müsabiqəsi ilə iş yerini dəyişə bilər. Amma sertifikasiya isə müəllim işlədiyi zamanda ona 5 il müddətində çalışmaq hüququ verir. Əgər müəllim fasilə vermədən bir məktəbdən digər məktəbə istər MİQ, yerdəyişmə müsabiqəsi vasitəsilə keçirsə, onun sertifikasiyada qazandığı uğur qüvvəsində qalır. O sənəd 5 il müddətində qüvvədə qalır. Bu o demək deyil müəllim bir məktəbdən başqa məktəbə keçirsə, həmin müəssisədə yenidən sertifikasiya keçməlidir. Əgər müəllim ərizə yazıb işdən azad olunursa, onun başqa məktəbə yaxud digər müəssisəyə yenidən işə qəbul olunursa yenidən MİQ imtahanından keçməlidir. O zaman ilk 3 ili sertifikasiyadan keçmir. Amma digər 3 ili isə sertifikasiyadan keçməlidir. Fasilə vermədən iş yerini dəyişirsə, sertifikasiyada olan nəticəsi qüvvədə qalır".

Sevda Səfərova

Telegramda izləyin