Paytaxtın müxtəlif küçə və prospektlərində panduslar var, amma...- Hündür və sürüşkən olan... - VIDEO

Hər kəsə yaxşı məlumdur ki, paytaxtın bir çox prospektindəki yeraltı keçidlərdə və səkilərdə quraşdırılan panduslar demək olar ki, bir işə yaramır. Çünki elə formada qoyulub ki, ora araba ilə çıxmaq böyük riskdir.

Sonxeber.az xəbər verir ki, mövzu ilə bağlı "ARB Xəbər" süjet hazırlayıb. Paytaxtın Nərimanov rayonu, Aşıq Molla Cümə küçəsində avtomobil yolunun kənarındakı səkidə quraşdırılan pandusun qiymətli qara mərmərdən hazırlandığı ehtimal edilir. Görüntüsü gözəgəlimli olsun deyə, yoxsa hansı məqsədlə belə bir layihə icra edilib deyə bilmərik. Gördüyümüz isə onun heç bir işə yaramamasıdır. Pandusun hündür və sürüşkən olduğunu nəzərə alsaq orada hərəkət etməyin təhlükəli olduğunu görməmək mümkün deyil:

"Material özü sürüşkəndir. Mərmərdən hazırlanıb. Yaşlı insanlar buradan keçə bilmir. Problemi əvvəlcədən quraşdıran şəxs özü fikirləşməlidi idi".

Əslində bunun üçün xüsusi düşüncəyə yaxud beyin işlətməyə ehtiyac yoxdur. Görüntü hər şeyi deyir. Mərmərdən hazırlanan sərt pamdus kimin nəyinə lazımdır? Fiziki imkanları məhdud olanlar və ya uşaqlı valideynlər üçün ən önəmlisi rahatlıqdır.

Ətraflı "ARB Xəbər"in süjetində:

Telegramda izləyin