"Taksi üçün 50 minlik maşın aldım, AMMA..." - VİDEO

Xəbər verdiyimiz kimi, ölkədə buraxılış tarixindən 15 ildən artıq müddət keçən avtomobil nəqliyyatı vasitələrinin taksi kimi fəaliyyət göstərməsi qadağan edilir. Taksi xidməti şirkətləri tələblərə uyğun olaraq köhnə maşınların taksi kimi fəaliyyətinə əngəlləyir. Bəs sözügedən qərar ilə bağlı taksi sürücüləri nə düşünür?

Sonxeber.az xəbər verir ki, mövzu ilə bağlı taksi sürücüləri "Apa TV"yə açıqlama verib:

"Maşını satdım, getdim 30 min manata nəqliyyat vasitəsi aldım. Mənə indiki gündə bu lazım idi? Səhər saat 8-dən axşam saat 8-ə kimi 30-40 manat qalar ya qalmaz. Ailəli adam üçün daha çox çətindir ".

Yeni tələblərdən sonra paytaxtda taksilərin sayında azalma müşahidə olunub. Bu da öz növbəsində qiymət artımına səbəb olur. Taksi sürücüləri arasında dolaşan şayiələrə görə, yaxın zamanlarda "start" qiymət 4 manat 50 qəpik olacaq. Yəni sərnişin sifariş məsafəsindən asılı olmayaraq taksidən istifadə etmək istəyənlər minimum 4 manat 50 qəpik xərcləməli olacaq.

Ətraflı "Apa TV"nin süjetində:

Telegramda izləyin