Bakıda arvadına xəyanət ŞƏRİ ATAN əmisi oğlunu 36 dəfə bıçaqladı – TƏFƏRRÜAT

Bakıda arvadına xəyanət ŞƏRİ ATAN əmisi oğlunu 36 dəfə bıçaqladı – TƏFƏRRÜATBakıda arvadının xəyanətindən xəbər verdiyi üçün əmisi oğlunu bıçaqlayıb öldürən şəxsə hökm oxunub.

Lent.az-ın əldə etdiyi məlumata görə, 1984-cü il təvəllüdlü Nəsimi Hüseynov Cinayət Məcəlləsinin 120.2.4-cü (qəsdən adam öldürmə) maddəsi ilə təqsirləndirilib.

Bakı Ağır Cinayətlər Məhkəməsində keçirilən prosesdə məlum olub ki, hadisə 2023-cü ilin oktyabr ayında baş verib.

40 yaşlı Nəsimi Hüseynov 2008-ci ildə Samirə Hüseynovaya (ad şərti) ilə ailə həyatı qurub. Birgə nikahdan onların 3 qız övladı dünyaya gəlib. Müxtəlif tikinti yerlərində usta kimi işləyən Nəsimi, təxminən 2021-ci ildən Rusiyanın Mahaçqala şəhərinə gedib, orada usta kimi fəaliyyət göstərib. Çox zaman Rusiyada olsa da, amma daimi olaraq orada yaşamayıb. İl ərzində bir neçə ay işlədikdən sonra qayıdıb Bakı şəhərinə gəlib.

Həyat yoldaşı Samirə isə Bakıda mağazada satıcı işləyib. Uzun müddət bir-birini görməyən cütlüyün münasibətləri həmişə yaxşı olub.

2023-cü ilin fevralın ayında Nəsimi yenidən Bakıya, ailəsinin yanına qayıdıb. Bir gün atası Nəsimini və qardaşlarını öz evinə çağırıb. Söhbət əsnasında ata Nəsimiyə deyib ki, yoldaşı Samirə ona xəyanət edir, buna görə də boşanmalı olduğunu deyib. Nəsimi səbəbini soruşduqda isə atası ona bu barədə əmisi oğlunun (öldürülən şəxs) xəbər verdiyini deyib. Hətta əmisi oğlu Elməddinin Samirəni oğlanla öpüşən yerdə şəkil və videolarını çəkdiyini deyib. Nəsimi atasına məsələ ilə məşğul olacağını deyib, əmisioğlunun işlədiyi mağazaya gedib. Elməddinə məsələni tam danışmasını və çəkdiyi görüntüləri ona verməsini tələb edib. Elməddin Samirənin başqa oğlanla görüşdüyünü, hətta öpüşdüyünü gördüyünü desə də, görüntüləri çəkdiyi telefonunu itirdiyini deyib. Bunların hamısının bəhanə olduğunu düşünən Nəsimi inanmayıb. Səhəri gündən arvadı Samirəni izləməyə başlayıb.

Məhkəmə ifadə verən təqsirləndirilən şəxs Nəsimi Hüseynov deyib:

"Əmimoğlunun yalan danışdığını hiss elədim. Samirə ilə onu üzləşdirmək qərarı aldım. Üzləşmədə Samirənin üzünə başqa oğlanla görüşdüyünü desə də, öpüşdüyünü deyə bilmədi. Samirədən Elməddinin niyə belə dediyini soruşdum. O dedi ki, borcu qaytarmaq üçün iş yoldaşı ilə mağazanın qabağında görüşüb, pulunu götürüb. Bunları görən Elməddin səhv başa düşüb.

Elməddin "gəl Bakıya söhbət edərik" kimi ifadələr işlətdi. Elməddin arvadımın xəyanəti məsələsini bütün nəsil içində yaymışdı. Bizi biabır etmişdi. Əsassız yerə arvadımın adını çıxardığı üçün ona dərs vermək istədim. Buna görə oktyabrın 5-i Bakıya qayıtdım. Onu öldürməyi düşünmürdüm, amma bıçaqlamaq fikrim vardı. Ona görə oktyabrın 12-si 1 manat 60 qəpiyə bıçaq aldım".

Onun sözlərinə görə, əmisi oğlunu öldürməyinə səbəb arvadı haqqında "küçə qadını" ifadəsi işlətməsi olub:

"Onun ayağına bıçaqla xəsarət yetirmək fikrim vardı. Amma o məni buna məcbur elədi. Yoldaşım haqqında çox nalayiq ifadələr işlətdi. Buna görə bıçaqlamağa başladım. Qışqırıb qaçmaq istəsə də, qoymadım. Elməddini bıçaqladıqdan dərhal sonra özüm polisə təslim oldum. Polisi hadisə yerinə gətirdim".

Məhkəmə istintaqı zamanı bütün hadisənin üzərində cərəyan edən Samirə Qafarova ifadəsində bildirib ki, iş yoldaşı Qurban ondan 42 manat borc alıb:

"Şirniyyat mağazasında işləyirəm. İş yoldaşım Qurban məndən 42 manat borc pul aldı. Tarix yadımda deyil, təxminən 3-4 gün sonra maaş aldığımıza görə işdən çıxan zaman Qurban borcu qaytardı. Qaytaranda yoldaşımın əmisi oğlu görüb. Elməddin yanlış anlamış, guya mənim Qurbanla görüşdüyümü düşünüb. Sonra gedib qaynımgilə "sizin gəlininiz başqa adamla görüşür" deyib. Qurbandan pul alanda yoldaşımın əmisi oğlu yaxınlaşdı və böhtan atmağa başladı. Elməddinə başa salmaq istədim ki, fikirləri yanlışdır. O, durmadan Qurbanı döydü, təhqir etdi. Qurban pulu çöldə bankomatdan çıxarıb verməli olduğu üçün məhəllədə görüşdük. Nəsimi Azərbaycanda olmadığı üçün dəfələrlə işdən çıxanda Elməddin məni izləyib, güdüb. Elməddinlə üzləşsək də, mənə atdığı böhtanı sübut edə bilmədi".

Məhkəmə istintaqında dindirilən hər iki tərəfin əmisi oğlu hadisədən xəbərsiz olduğunu deyib:

"Əmim uşaqları ilə aramız həmişə yaxşı olub. Hadisənin baş verməsini mənə Elməddinin əvvəlki arvadı zəng edib xəbər verdi. Dəqiqləşdirmək üçün qardaşıma, əmimə zəng etsəm də, onların xəbərsiz olduğunu bildim. Hadisənin nə üçün baş verdiyini belə bilmirdim.

Təxminən 2 il əvvəl Elməddin və Nəsiminin qardaşı Müşfiq Samirənin iş yoldaşı Qurban adlı şəxslə sevgi münasibəti yaşadığını bilmiş, hətta bununla əlaqədar Qurbanla söhbət edib, onu döymüşdülər. Qardaşım Elməddin əvvəllər heç vaxt ona Nəsimi tərəfindən ölümlə hədələnməsi, təqiblərə məruz qalması barədə məlumat verməyib".

Şahid qismində dindirilən Samirənin qaynanası bu hadisənin təməlinin 2023-cü ilin oktyabrında qoyulduğunu deyib:

"Bu işin təməli 2023-cü ilin oktyabr ayında qoyulub. Samirə mənim gəlinimdir. Samirənin Qurban adında iş yoldaşı olub, ondan 40 manat borc verdiyi pulu maaş yüklənən vaxt alıb. Elməddin bunu görüb. Qaynım oğlu Müşfiq də orada işləyib. Elməddin Müşfiqi oraya aparıb ona Samirə ilə Qurbanı göstərib, onları dəfələrlə gördüyünü, telefonunda da görüntülərin olduğunu deyib. Bu sözə görə birinci Qurban onu vurmuş, sonra araşdırmışlar ki, belə bir şey yoxdur, ancaq borcunu qaytarırmış. Həmin dalaşma Bakıda baş verib.

Oğlum Sadiq Elməddinə bildirib ki, əgər görüntü yoxdursa ona yalan söylədiyini desin. Elməddin gəlinimi təhqir etmiş, Nəsimiyə "pozğun arvada görə mənim yanıma gəlirsən" deyib. Ondan sonra da bu hadisə baş verib. Məlum ölüm hadisəsi ilə bağlı yoldaşıma qardaşı oğlu xəbər verib. Hadisəyə qədər Nəsimi ilə Elməddin qardaş olublar, aralarında heç bir ədavət olmayıb".

Hadisənin məhkəmə tədqiqi zamanı təqsirləndirilən şəxs cinayət hadisəsini törədən zaman fizioloji affekt vəziyyətində olmadığı məlum olub.

Bakı Ağır Cinayətlər Məhkəməsinin çıxardığı hökmlə Nəsimi Hüseynov Cinayət Məcəlləsinin 120.2.4-cü maddəsi ilə təqsirli bilinib. Məhkəmənin yekun qərarı ilə ona 17 il müddətində həbs cəzası verilib. Təqsirləndirilən şəxs cəzasını ciddi rejimli cəza çəkmə müəssisəsində çəkir.


Sonxeber.az
Telegramda izləyin
Kriminal   Baxılıb: 2240   Tarix: 03 iyul 2024  

Şikayətiniz varsa Whatsapp: 077 7125666

Facebookda Paylaş


Kurslar.az kurslar

Oxşar xəbərlər

.

Qaxda iki dost məktəbli qıza təcavüz etdi - Təfərrüat

Qax rayonunda 8-ci sinif şagirdi olan məktəbli qıza təcavüz edilib. -ın məlumatına görə, rayon sakini Fərman adlı gənc oğlan parkda 2012-ci il təvəllüdlü qızla tanış olub. Təxminən 10 gün sonra qız Fərmandan ayrılıb və onun 2004-cü il təvəllüdlü qardaşı Rəhmanla sevgi münasibətləri yaşayıb. Rəhman qızl

21 oktyabr
.

Öldürülən qazi Tovuzdakı anım mərasiminə gedibmiş...

Oktyabrın 25-də Tovuzda Vətən müharibəsi qazisi Nizami Qurbanovun qətlə yetirilməsi ilə nəticələnən hadisənin təfərrüatları məlum olub. "Qafqazinfo"nun əldə etdiyi məlumata görə, mərhum Neftçalanın Xol Qarabucaq kəndinin sakini olsa da, dövlət tərəfindən ona verilən Bakıdakı mənzildə yaşayırmış

27 oktyabr
.

Ata 14 yaşlı qızını oğlanla danışanda tutdu, özü təcavüz etdi - Dəhşətli cinayətin təfərrüatı

Füzuli rayonunda ata doğma qızına təcavüz edib. -a istinadən xəbər verir ki, rayon sakini, 1987-ci il təvəllüdlü Vasif Ağayev (ad və soyad şərtidir - red.) 2008-ci ildə ailə qurub və birgə nikahdan 3 övladı olub. Bir müddət əvvəl Vasifin anası yol-nəqliyyat hadisəsi zamanı xəsarət alıb və xəstəxanay

5 oktyabr
.

Həmin qəzanın səbəbi təkərdəki nasazlıq imiş...

Dünən İsmayıllı rayonununun Balik kəndində ölümlə nəticələnən yol qəzası avtomobillərdən birinin nasaz vəziyyətdə olması səbəbindən baş verib. "Qafqazinfo" xəbər verir ki, bu barədə Baş Dövlət Yol Polisi İdarəsi (BDYPİ) məlumat yayıb. Bildirilib ki, Göyçay rayon sakini Yasər Mustafayev "VAZ"

17 oktyabr
.

Naxçıvanda dəhşətli cinayət: Nənə yeni doğulan nəvəsini avtomobildə boğaraq öldürüb

Naxçıvanda yeni doğulan körpəni öldürən 1974-cü il təvəllüdlü K.S.-nin məhkəmə prosesi başa çatıb. -a istinadla xəbər verir ki, Naxçıvan MR Ağır Cinayətlər Məhkəməsində keçirilən prosesdə dəhşətli faktlar üzə çıxıb. Məlum olub ki, qadının öldürdüyü körpəni onun öz qızı dünyaya gətirib. 52 yaşlı təqsirləndirilə

23 sentyabr
.

Ər-arvad dalaşdılar, oğul anasının üstünə benzin töküb yandırdı

Abşeron rayonunda 21 yaşlı oğul anasını yandıraraq öldürüb. -ın məlumatına görə, hadisə rayonun Hökməli qəsəbəsində baş verib. Qəsəbə sakini, 2005-ci il təvəllüdlü Abdurrəhman Həsənli atası, anası və iki bacısı ilə bir evdə yaşayıblar. Məlumata görə, onun valideynləri arasında mütəmadi mübahisələr olub

5 noyabr
.

Bıçaqlanma olan xəstəxanaya baş həkim təyin edildi

Abşeron Rayon Mərkəzi Xəstəxanasında yeni təyinat olub. "Unikal"a istinadən xəbər verir ki, bununla bağlı TƏBİB-in İcraçı direktoru Anar Bayramov Əmr imzalayıb. Əmrə əsasən, Rafiq Nağıyev Abşeron Rayon Mərkəzi Xəstəxanasının baş həkimi təyin edilib. R.Nağıyev daha əvvəl Binəqədi Tibb Mərkəzini

19 oktyabr
.

Azərbaycanda icra başçısı cərimələndi

Səbail Rayon İcra Hakimiyyətinin başçısı Vüqar Zeynalovla bağlı inzibati protokol tərtib olunub. -a istinadən xəbər verir ki, icra başçısı ilə bağlı İnzibati Xətalar Məcəlləsinin 528.1-ci maddəsi ilə protokol tərtib olunaraq məhkəməyə göndərilib. İşə baxış zamanı müəyyən edilib ki, eyni vaxtda baş vermi

27 oktyabr
.

Atasını öldürən Ayxana 1 il yarım həbs verildi

Atasını öldürməkdə ittiham olunan 19 yaşlı gəncin ittihamı yüngülləşdirilib. "Qafqazinfo" xəbər verir ki, Bakı Ağır Cinayətlər Məhkəməsi bu gün hökm çıxarıb. 19 yaşlı Ayxan Vəlizadə 44 yaşlı atası İftixar Vəlizadəni kəsici alətlə qəsdən öldürməkdə təqsirləndirilirdi. Prokurorluq onu Cinayə

14 oktyabr