Gecəyarısı evlərində güllələndilər

Bodrumda bina evində tapança ilə vurulan iki nəfərin meyiti tapılıb. Cinayəti törədən 4 şübhəlinin tutulması üçün axtarışlar başlansa da öldürülənlərin şəxsiyyəti hələ də müəyyən edilməyib.

Sonxeber.az türk mediasına istinadən xəbər verir ki, Muğlanın Bodrum rayonunda evlərinin qonaq otağında oturarkən tapança ilə vurulan 2 nəfər həyatını itirib, cinayəti törədən 4 nəfər isə gəldikləri avtomobillə qaçıb.

Hadisə gecə saatlarında Kumbahçe məhəlləsi 2439 küçəsində baş verib. İddialara görə, 2 nəfər naməlum şəxsin yaşadığı evə 4 nəfər maşınla gəlib. Bir müddət sonra evin içərisində olan 4 nəfər 2 nəfərə tapança ilə atəş açaraq avtomobillə qaçıblar.

Silah səsini eşidənlər polis və təcili tibbi yardıma məlumat veriblər. Hadisə yerinə gələn təcili tibbi yardım əməkdaşları müayinə zamanı öldürülən şəxslərin çoxlu güllə yarası aldığını və məhz bu səbəbdən dünyasını dəyişdiyini müəyyən ediblər.

Öldürülən şəxslərin cəsədləri ekspertizaya göndərilib.

Hazırda polis cinayəti törədən 4 şəxsi axtarır.

Telegramda izləyin