Evinin önündə güllələnən şəxs xəstəxanada öldü

Ankaranın Altındağ rayonunda gecə saatlarında dəhşətli silahlı hücum baş verib.

Sonxeber.az türk mediasına istinadən xəbər verir ki, hadisə Ece küçəsində baş verib. İddiaya görə, şəxsiyyəti hələ müəyyən edilməyən şəxs Serdar K.-yə atəş açıb. Hücum edən şəxs sürətlə hadisə yerindən qaçıb. Silah səsləri məhəllədə böyük çaxnaşma yaradıb.

Silah səslərini eşidən yaxınları çölə çıxaraq Serdar K.-ni yerdə qan içində görüblər. Kürəyindən güllə yarası aldığı müəyyən edilən Serdar K. ağır xəsarətlərlə Ankara Xəstəxanasına aparılıb. Lakin həkimlərin bütün müdaxilələrinə baxmayaraq, onu xilas etmək mümkün olmayıb.

Serdar K.-nin cəsədi araşdırma üçün tibbi ekspertizaya göndərilib. Ankara Polis İdarəsi Cinayət Büro Komandirliyi qrupları cinayəti törədən şəxsin tutulması üçün genişmiqyaslı araşdırma başladıb. Şübhəlinin şəxsiyyətinin müəyyənləşdirilməsi istiqamətində işlər davam etdirilir.

Telegramda izləyin