Ərini sevgilisinə öldürtdürən qadın saxlanıldı

Tekirdağın Kapaklı rayonunda evində ölü tapılan Şerafettin Sezerin (48) qətl qurbanı olduğu məlum olub.

Sonxeber.az türk mediasına istinadən xəbər verir ki, Sezər yatarkən həyat yoldaşının sevgilisi onu mobil telefonun şarj kabeli ilə boğaraq öldürüb. Daha sonra elektrik kabelini onun boğazına dolayaraq hadisəni intihara oxşatmağa çalışıb.

Hadisə ötən gün Kapaklının Bahçelievler məhəlləsi Uğur Mumcu küçəsində baş verib. Z.S. polisə həyat yoldaşı Şərafəddin Sezerin intihar etdiyini bildirib. Ünvana gedən polis Şərafəddin Sezeri yataq otağında boğazına elektrik kabeli dolanmış halda ölü tapıb. Sezərin meyiti tibbi ekspertizaya aparılıb.

Ölümü şübhəli hesab edən polis geniş araşdırma başladıb.

Polis həyat yoldaşının intihar etdiyini bildirən Z.S.-nin ifadəsini alıb. O ifadəsində axşam evə qayıdanda ərini yataq otağında ölü tapdığını bildirib. Z.S.-nin ziddiyyətli ifadələrindən sonra polis qadının mobil telefonuna baxış keçirib. Bu zaman Z.S -nin hadisə baş verən gün tekstil fabrikində işləyən U.G. ilə tez-tez danışdığı müəyyən edilib. Bundan sonra Z.S. və U.G saxlanılıb.

U.G polis bölməsində dindirilib. Dindirilmə zamanı Şerafettin Sezerin qətlin qurbanı olduğu müəyyənləşib. Belə ki, U.G bir müddətdir Z.S. ilə münasibətdə olduğunu etiraf edib. Buna görə də onlar Şərafəddin Sezəri öldürmək üçün plan hazırlayıblar.

Axşam saatlarında işdən evə gələn cütlüyün 21 yaşlı qızı H.S. atasının meyitini çarpayıda görüb və vəziyyəti anasına çatdırıb. Z.S-nin həyat yoldaşının intihar etdiyini deyib və polisə məlumat verib.

Polis bölməsində dindirilmələri başa çatan Z.S. və U.G.-nin bu gün Çerkezköy səmtindəki ədliyyəyə sövq edilməsi gözlənilir.

Faktla bağlı istintaq davam edir.

Telegramda izləyin