Evdən 3 qardaşın cəsədi tapıldı - 10 gün əvvəl ölüblərmiş... - FOTO

Antalyada bir binanın 8-inci mərtəbəsindəki mənzildəm İran əsilli 3 nəfərin meyiti tapılıb.

Sonxeber.az titul.az-a istinadla xəbər verir ki, Gözəloba məhəlləsindəki yaşayış binasının sakinləri 8-ci mərtəbədəki mənzildən qoxu gəldiyini eşidən kimi 112 Təcili Zəng Mərkəzinə məlumat veriblər.

Evə gedən qruplar qapını açaraq, qardaş olduqları müəyyən edilən 3 nəfərin hərəkətsiz vəziyyətdə olduğunu görüblər. Sağlamlıq qrupları tərəfindən aparılan müayinədən sonra qardaşların öldüyü müəyyən edilib.

İlkin məlumata görə, qardaşların İran vətəndaşları olduğu müəyyən edilib.

Araşdırmalardan sonra Məhəmmədrza (34), Mohsen (26) və Əmirhüseyn Yasovalyan (23) qardaşlarının cəsədləri məhkəmə-tibb morquna aparılıb.

İranda borcu olduğu deyilən və bir müddət əvvəl işləmək üçün Antalyaya gələn qardaşların sonuncu dəfə oktyabrın 28-də İrandakı ailələri ilə telefonla danışdıqları bildirilib.

Qardaşların 10 gün öncə öldüyü məlum olub.

Araşdırma davam etdirilir.

Telegramda izləyin