Orta məktəbdə dəhşət: 16 yaşlı şagird direktor müavininin boğazından bıçaqladı - VİDEO

Orta məktəbdə dəhşətli hadisə baş verib. 16 yaşlı orta məktəb şagirdi qadın direktor müavinini boğazından bıçaqlayaraq xəsarət yetirib.

Sonxeber.az xarici mediaya istinadən xəbər verir ki, hadisə Böyükçekmece Kumburgazdakı peşə liseyində səhər saatlarında baş verib.

Əldə edilən məlumata görə, 16 yaşlı B.Y.E adlı oğlan şagird müdir müavininin otağına gələrək kompüterdə nəyəsə baxmaq bəhanəsi ilə müəllimin boğazına bıçaqla xəsarət yetirib.

Qan içində olan qadın qışqıraraq kömək çağırarkən bıçağı uşağın əlindən alaraq ikinci zərbənin qarşısını alıb. Hadisədən sonra oğlan məktəbdən qaçıb.

Boğazından və əlindən xəsarət alan müdir müavini ətrafdakıların köməkliyi ilə şəxsi avtomobillə xəstəxanaya aparılıb. Aldığı zərbələrə görə ona ümumilikdə 5 tikiş qoyulub.

Qısa müddətdən sonra hadisə yerinə gələn polis qrupları uşağı gizləndiyi yerdə saxlayıb.

Telegramda izləyin