Bu kənddə iftar vaxtı evdə yemək bişirmək qadağan edilib

Türkiyənin Nevşehir əyalətində bir kənd muxtarı insanları evdə iftar yeməyi qadağan edib.

Ölkə.Az xəbər verir ki, bu səbəbdən də Nevşehrin Eğrikuyu kənd camaatı birgə hazırladıqları yeməklərlə birlikdə iftar edirlər. Yeməyin xərcləri də donorlar tərəfindən ödənilir.

Pandemiya dövründə evə yemək verilməsi ilə başlayan təcrübə son 4 ildə kütləvi iftar süfrəsinin açılması ənənəsinə çevrilib. Kənd camaatı gündə 600 nəfərə yemək bişirir, birlikdə iftar edirlər.

Kənd camaatı muxtarın bu qərarından isə məmnundur.

Eğrikuyu kəndi imamı Əli Karataşın sözlərinə görə, bu qayda tətbiq edilməzdən əvvəl yeməklər evlərdə verilirdi. "2021-ci ildən etibarən yeməklər toplu şəkildə verilməyə başlayıb", - o qeyd edib.

Ramazan ayında evdə iftar süfrəsinin qadağan edildiyini söyləyən kənd muxtarı Nihat Ateş isə bildirib ki, iftar vaxtı mədəniyyət ocağında bir araya gəliblər. "Bir-birindən küsülü olanlar və incik düşənlər də daxil olmaqla, bütün kəndlilər bir yerdə iftar edirlər", - o bildirib.

Telegramda izləyin