Altıncı mərtəbədən yıxılan iki yaşlı uşaq həyatını itirib

Tokatda 6-cı mərtəbədən yıxılan 2 yaşlı uşaq dünyasını dəyişib.

Sonxeber.az türk mediasına istinadən xəbər verir ki, hadisə dünən axşam saatlarında Beybağı Məhəlləsində baş verib. Belə ki, Sinan və Nurcan Sayarın 2 yaşlı oğlu Rüzgar Sayar 6-cı mərtəbədəki evlərinin eyvanından beton döşəməyə yıxılıb.

Ağır yaralanan körpəni aparıldığı Tokat Dövlət Xəstəxanasında edilən bütün müdaxilələrə baxmayaraq xilas etmək mümkün olmayıb.

Körpə bu gün səhər saatlarında Erənlər məzarlığında dəfn edilib.

Qeyd edək ki, həyatını itirən körpənin atasının polis olduğu bildirilib.

Hadisə araşdırılır.

Telegramda izləyin