Universitetdə müəmmalı hadisə: Kanalizasiya quyusundan yaşıl alov çıxdı - VİDEO

Texas Universitetinin kampusunda lyukların qapaqlarından yüksələn yaşıl alov tələbələr və işçilər arasında geniş qorxuya səbəb olub.

Sonxeber.az xarici mediaya istinadən xəbər verir ki, səlahiyyətlilər insidentdən sonra kampusun boşaldılmasına qərar verib.

Şahidlər yerin altından çıxan yaşıl alovların sürətlə yüksəldiyini və bir neçə fərqli yerdə göründüyünü bildiriblər. Hadisə yerinə gələn təcili yardım qrupları partlayış və ya qaz sızması ehtimalına qarşı ərazidə təhlükəsizlik tədbirləri görüb.

Səlahiyyətlilər insidentin səbəblərini araşdırmaqda davam edir, lakin ilkin qiymətləndirmələr alovun yaranmasına kimyəvi reaksiya və ya elektrik xətlərindəki nasazlığın səbəb ola biləcəyini ehtimal edir. Lakin hələlik dəqiq bir açıqlama verilməyib.

Telegramda izləyin