17 yaşlı gənc futbol oynayarkən qəfil həyatını itirdi - VİDEO

Sözügedən hadisə İstanbulda baş verib. Dostları ilə futbol oyunu oynayarkən vəziyyəti pisləşən 17 yaşlı Həsən Yalavaç bütün müdaxilələrə baxmayaraq aparıldığı xəstəxanada həyatını itirib.

Sonxeber.az türk mediyasına istinadən xəbər verir ki, şahidlərin sözlərinə görə, Yalavaç matç zamanı qəfil yerə yıxılıb. Vəziyyəti görən dostları dərhal həkim qruplarına xəbər verib.

Az sonra hadisə yerinə gələn xilasedicilər gəncə ilkin tibbi yardım göstərdikdən sonra onu xəstəxanaya aparıblar. Lakin həkimlərin bütün səylərinə baxmayaraq Həsən Yalavaçın həyatını xilas etmək mümkün olmayıb.

Gənc yaşda həyatını itirən Yalavaçın vəfatı ailəsini və yaxınlarını dərindən kədərləndirib. Səlahiyyətlilər hadisənin dəqiq səbəbini müəyyən etmək üçün ətraflı araşdırmalara başlayıb.

Telegramda izləyin