Saqqızı ancaq apteklərdən almaq olar - "Cərimələr şəhəri"ndən REPORTAJ

Saqqızı ancaq apteklərdən almaq olar - "Cərimələr şəhəri"ndən REPORTAJSinqapurun cəmi yarım əsr yaşı var, lakin onun sakinləri öz tarixləri ilə inanılmaz dərəcədə fəxr edirlər. Ada ölkəsi dörd milyon əhalisi ilə sıx məskunlaşan bir şəhər-dövlətdir. "Asiya İsveçrəsi" çoxları üçün materikin çox hissəsinin yoxsulluğundan, xaosundan və cinayətindən uzaq bir adadır.

Oxu.Az "Kaspi" qəzetinin mövzuya dair məqaləsini təqdim edir:

Süni intellektlə idarə olunan xidmət

Sinqapur təyyarədən enən turistləri elə hava limanında heyrətləndirir. Çünki qüsursuz təmizliyi ilə seçilən Çanqi hava limanı şəhərin görməli attraksionlarından biridir. Terminallar arasında "skytrain"lər sərnişinləri daşıyır, mükəmməl texnologiya ilə idarə olunan xidmət təqdim olunur. Tranzit sərnişinlərə dincəlmələri üçün komfort zonalarda şərait yaradılır. Yaşıl park, şəlalə, quşların nəğməsi insanlara böyük və füsunkar bir təbiət parkında olduğunu hiss etdirir. Hava limanından şəhər mərkəzinə mükəmməl və müasir nəqliyyat sistemi qurulub. Sinqapuru gəzmək asandır: nəqliyyat sistemi dünyanın ən yaxşılarındandır.

Əsas növlər MRT (Kütləvi Sürətli Tranzit) və LRT (Yüngül Rail Tranziti) metrosudur. Ucuz və etibarlıdır, şəbəkələri demək olar ki, bütün turistik yerləri əhatə edir. Ödəniş yalnız kredit kartı və smart kartla həyata keçirilir. Avtobusa minərkən kartı sayğaca toxundurmaq lazımdır və bu zaman maksimum gediş haqqı tutulacaq. Avtobusdan düşdükdə kartı sayğaca yenidən toxunmaq lazımdır. Bu dəfə qiymət fərqi sizə qaytarılır. Yəni ödəniş məsafəyə görə qiymətləndirilir.

Saqqızı ancaq apteklərdən almaq olar

Sinqapurun "gözəl şəhər"lə bərabər, "cərimələr şəhəri" mənasını verən ləqəbi də var. Səfər öncəsi ölkənin Miqrasiya Xidmətində qeydiyyatdan keçəndə elektron poçtuma gələn məktublarda ölkənin narkotiklərə qarşı sərt qanunlarının olduğu qeyd edildi. Burada bədəndə hər hansı narkotik maddənin olması, hətta ölkədən kənarda istehlak edilsə belə, cinayətdir. Qaydaları pozan turistləri 10 min dollardan başlayan cərimələr və həbslər gözləyir. Şəhərin hətta kiçik cinayətlərə qarşı da sərt qanunları mövcuddur.

Məsələn, küçəni işıqforun qırmızı işığında keçmək, ictimai nəqliyyatda yeyib-içmək, tüpürmək, zibil atmaq qadağandır və yüksək məbləğdə cəriməsi var.

Ölkəyə saqqız idxalı qadağasının pozulması cərimə və ya hətta bir ilədək həbslə nəticələnə bilər. Küçədə saqqız çeynəmək və zibil atmağa görə cərimə tətbiq edilir, təkrar qayda pozuntusuna görə isə həbsə düşmək təhlükəsi var. Saqqızı ancaq apteklərdən almaq olar.

Qapalı ictimai yerlərdə, avtobuslarda, liftlərdə, kinoteatrlarda, teatrlarda, dövlət idarələrində, restoranlarda və mağazalarda siqaret çəkmək qadağandır. Küçədə isə yalnız xüsusi ayrılmış yerlərdə, yuxarı hissəsində külqabı olan yaşıl zibil qutularının yanında siqaret çəkmək olar. Gəzinti zamanı siqaret çəkmək qadağandır.

Amma son illər turistlər üçün bəzi məhdudiyyətlər yumşaldılıb. Məsələn, indi turistlər bütün gecəni barda rəqs etmək hüququ qazanıblar.

Balıqçı kəndindən "Asiya pələngi"nə doğru

Sinqapurun "iqtisadi möcüzəsi" islahatçı Li Kuan Yu sayəsində baş verib. Bir balıqçı kəndinin necə "Asiya pələngi"nə çevrildiyini anlamaq üçün Milli Muzeyə baş çəkmək lazımdır. İlk mühacirlərin gəldiyi taxta gəmi Asiya Sivilizasiyaları Muzeyində saxlanılır. 1819-cu ildə İngiltərənin ticarət koloniyası kimi qurulan şəhər müstəqillik əldə etdikdən sonra dünyanın aparıcı ticarət limanı ilə ən çiçəklənən ölkələrdən birinə çevrilib. Bu gün Sinqapur son texnologiyalar mühiti, inkişaf etmiş biznes mərkəzidir. Müasir, zəngin şəhərin göydələnlərində və metrolarında Çin, Hindistan və Malay təsirlərinin müxtəlif qarışığı var. Rütubətli tropik iqlim, ləzzətli yeməklər, dəbli alış-veriş mərkəzləri və canlı gecə həyatı şəhəri bölgə üçün etibarlı dayanacaq və ya tranzit zonaya çevirib.

Sinqapurda hər şey son dərəcə müasir və eyni zamanda duyğusuz təsir bağışlayır. Eynən amerikalı yazıçı Uilyam Gibsonun "Ölüm hökmü ilə Disneyland" adlı məqaləsində qeyd etdiyi kimi: təmiz, cansıxıcı və həqiqi şəhər ruhu olmayan bir şəhər. Amma bu şəhərin mükəmməlliyinə heyrət edirsən...

Sinqapur küçə yeməkləri, dəbdəbəli hotelləri, Marina Körfəzinin qumlu çimərlikləri və körfəzdəki bağçalar kimi möhtəşəm attraksionları ilə tanınır. Burada görüləcək çox şey var.

Sinqapur Asiyanın mikrokosmosudur - burada çinlilər, malaylar, hindlilər, müsəlmanlar və dünyanın hər yerindən çox sayda miqrant yaşayır.

Sinqapurda 4 rəsmi dil var: ingilis, Çin (mandarin), malay və tamil. Ölkənin sakinləri ana dillərindən əlavə, demək olar ki, həmişə ingiliscə, bəzən isə əlavə olaraq başqa dildə danışırlar.

Mədəni təsirlərin qarışığı

Ada-şəhərdə qonaq olan turistlərə qoşulub hər biri zəngin irsə və özünəməxsus orijinallığa malik Kiçik Hindistan, Chinatown və Kampong Glam kimi canlı rayonları gəzirəm. Bu ərazilər Sinqapura özünəməxsus görkəmini verən müxtəlif mədəni təsirlərin qarışığıdır. Buralarda dünya səviyyəli restoranlar var, amma küçə yeməkləri də dadlıdır. Böyük yemək meydançalarında məşhur əriştələrdən tutmuş Michelin ulduzlu yeməklərə qədər hər şeyi dadmaq olar. Ölkə Çin mətbəxi, dəniz məhsulları və suşi ilə məşhurdur. Hindistan və malay yeməkləri yalnız sağ əllə yeyilməlidir.

Sinqapurda yağış demək olar ki, hər gün güclü leysan şəklində yağır və nadir hallarda bir saatdan çox davam edir. Buna görə də həm günəşdən kölgə, həm də yağışdan sığınacaq üçün hər zaman çətir gəzdirmək lazım gəlir.


Sonxeber.az
Telegramda izləyin
Maraqlı   Baxılıb: 1216   Tarix: 17 mart 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Unitaza buz kubları atmağa başladılar - səbəb

Sosial şəbəkələrdə klozete buz kubları ataraq sifonu çəkməkdən ibarət qeyri-adi təmizlik üsulu sürətlə yayılır. bu üsulun detallarını təqdim edir:. Tətbiqi necə həyata keçirilir? Bir-iki stəkan buz kubunu birbaşa klozete atıb bir neçə dəqiqə gözlədikdən sonra sifonu çəkmək kifayətdir. Su ilə hərəkə

7 noyabr
.

Düyü bişirərkən bu səhvi etməyin

Düyü bişirərkən onun dibinin yapışqan, üst hissəsinin isə quru qalması bir çox insanın qarşılaşdığı problemdir. Bunun səbəbi hər zaman suyun miqdarı və ya bişirmə müddəti olmaya bilər. İstifadə edilən qazanın forması da yeməyin keyfiyyətinə təsir göstərir. Ölkə.az yerli mediaya istinadən xəbər veri

12 noyabr
.

Romanovların əfsanəvi sapfiri rekord qiymətə satıldı

Bir vaxtlar Rusiya İmperiyasının kral zinət əşyaları kolleksiyasına daxil olan nəhəng sapfirin yerləşdiyi nadir bilərzik İsveçrənin Cenevrə şəhərində keçirilən hərracda gözləntiləri iki dəfədən çox üstələyərək 4,9 milyon dollara alıcı tapıb. "Qafqazinfo" xəbər verir ki, "Sotheby's"

14 noyabr
.

Hər gün soyuq duş qəbul etsəniz, nə baş verər?

Mütəmadi olaraq soyuq duş qəbul etmək insanların xəstəlik səbəbindən işə getmədikləri günlərin sayının azalması və özlərini daha yaxşı hiss etmələri ilə əlaqəli ola bilər. xarivi KİV-ə istinadən xəbər verir ki, İsveçrənin Bazel Universitetinin psixoloqu Lena Qlazer soyuq duşun insan orqanizminə təsirin

8 noyabr
.

Kartof qaynadarkən 1 stəkan əlavə edin - dağılmır, qabığı öz-özünə soyulur

Mətbəxdə kartof qaynadarkən dağılmasının və ya isti qabığını soyarkən barmaqlarınızı yandırmağın qarşısını alan sadə bir üsul mövcuddur. Qaynama suyuna əlavə edilən 1 stəkan sirkə kartofun dağılmasının qarşısını alır və qabığının tək toxunuşla soyulmasını təmin edir. xəbər verir ki, kartofun tərkibindək

15 noyabr
.

Yumurta qızartmaq üçün kərə yağını unudun - Aşpazlardan fərqli üsul

Adi qayğanağın dadını dəyişmək üçün mürəkkəb reseptlərə ehtiyac yoxdur. Cəmi bir neçə damcı küncüt yağı yumurtaya xüsusi aroma verə, kənarlarının xırtıldayan, sarısının isə yumşaq qalmasına kömək edə bilər. Ölkə.az yerli mediaya istinadən xəbər verir ki, bu barədə "Startlap" nəşri yazıb. Yumurt

8 noyabr
.

Peçenyedə dadı dəyişən gizli səhv bu imiş

Peçenyelərin daha dadlı, yumşaq və ideal formada alınması üçün istifadə olunan inqrediyentlərin miqdarını dəqiq ölçmək vacibdir. Ölkə.az yerli mediaya istinadən xəbər verir ki, mütəxəssislər bunun üçün adi ölçü qablarından deyil, mətbəx tərəzisindən istifadə etməyi tövsiyə edirlər. Peçenye hazırlanmas

11 noyabr
.

Hamı zibilə atır - Saç tökülməsinin və ağarmasının qarşısını alır

Fəsil dəyişikliyi və stress səbəbindən artan saç tökülməsinə qarşı bahalı kosmetik məhsullar əvəzinə mətbəxdəki təbii vasitələr həll yolu təqdim edir. Qidalandırıcı yağlar ehtiva edən bu üsul saç diblərini qısa müddətdə gücləndirərək tökülməni azaldır. xəbər verir ki, əksər hallarda zibil kimi atıla

14 noyabr
.

Bu qış dəbdə olacaq ayaqqabılar - Stilistdən əsas trendlər

2026-2027-ci ilin qış mövsümündə hündür çəkmələr, 70-ci illərin üslubunu xatırladan zamşa modellər və müxtəlif tokalı botlar dəbdə olacaq. Qaynarinfo xəbər verir ki, bu barədə ukraynalı stilist Qalina Denisük UNIAN-a açıqlamasında danışıb. Onun sözlərinə görə, soyuq mövsümdə dizə qədər uzanan çəkmələ

12 noyabr