70 yaşlı kişi ailə üzvlərini öldürdükdən sonra intihar edib

Sultanqazidə psixoloji problemləri olduğu iddia edilən 70 yaşlı kişi həyat yoldaşını və qızını ov tüfəngi ilə öldürdükdən sonra intihar edib.

Sonxeber.az türk mediasına istinadən xəbər verir ki, hadisə Cebeci məhəlləsində baş verib. Belə ki, ailə üzvləri arasında naməlum səbəbdən mübahisə yaranıb. Mübahisə getdikcə davaya çevrilib. Bu zaman əsəbiləşən Hayrettin Kırbaş həyat yoldaşını və qızını ov tüfəngi ilə vurub. Daha sonra isə eyni silahla intihar edib. Silah səslərini eşidən qonşular polisə məlumat veriblər. Hadisə yerinə gələn polislər çilingərin köməyi ilə evə daxil olublar. Onlar evdə ailə üzvlərinin meyitlərini aşkar ediblər.

Meyitlər tibbi eksprtizaya aparılıb. Polisin hadisə ilə bağlı başlatdığı araşdırma davam edir.

Telegramda izləyin