Yeni kəşf etdiyi böcəyə həyat yoldaşının adını verdi, tənqid olundu

Hatay Mustafa Kamal Universitetində çalışan professor Dr. Ersin Demirel yeni kəşf edilən böcək növünə həyat yoldaşının adını verib.

Sonxeber.az türk mediasına istinadən xəbər verir ki, Ersin Demirel böcəyin adını "Əminə" qoyub. Bu, onun həyat yoldaşının adıdır. Xəbər sosial mediada yayıldıqdan sonra professor tənqid edilib. O daha sonra hadisə ilə bağlı açıqlama verib.

"Türkiyə cəmiyyətində bir böcək növünə qadının adını vermək bir az cəsarət tələb edən bir işdir. Bir növə ad vermək fikri ilk dəfə bakalavr təhsilimin ilk illərində ağlıma gəldi. Təbii ki, o zaman həyat yoldaşı namizədimiz yox idi. Həyat yoldaşımla tanış olduqdan sonra təbii ki, fikrimi onunla bölüşdüm. Biz linç ediləcəyimizi bilə-bilə bu qərarı verdik. İndi bizi sosial mediada tənqid edirlər, amma, mənim üçün əsas olan həyat yoldaşımın təklifimə hörmət etməsi və Türkiyənin biomüxtəlifliyi məsələsinə diqqət çəkməkdir" , - deyə Demirel açıqlamasında bildirib.

Telegramda izləyin