İsrail ordusu Suriyada Əsədin keçmiş qərargahına reyd keçirib

İsrail Müdafiə Ordusu (SAXAL) Suriyada keçmiş prezident Bəşər Əsədin qərargah kimi istifadə etdiyi hərbi mövqeyə reyd keçirib və oradakı zirehli arsenalı məhv edib.

Oxu.Az TASS-a istinadən xəbər verir ki, bu barədə ordunun mətbuat xidməti məlumat yayıb.

"Qoşunlar əvvəllər keçmiş Suriya rejiminin bölməsinin qərargahı kimi fəaliyyət göstərən Suriya forpostuna məqsədyönlü reyd keçiriblər. Hadisə yerində qoşunlar yararsız hala düşmüş tanklar, zirehli transportyorlar və artilleriya aşkar edib və onları məhv ediblər", - məlumatda bildirilir.

Bundan əlavə, İsrail hərbçiləri əlavə silahlar, o cümlədən minaatan və onlarla raket aşkar edib və müsadirə ediblər.

Qeyd olunur ki, İsrail ordusu ölkəyə və xüsusən də Colan təpələrinin sakinlərinə qarşı təhdidləri aradan qaldırmaq üçün Suriyada əməliyyatları davam etdirir.

Telegramda izləyin