Telefon asılılığından necə xilas olaq? - AÇIQLAMA

Günümüzdə telefonlar həyatımızın ayrılmaz hissəsinə çevrilib. Bəzən insanlara elə gəlir ki, telefon yoxdursa, həyat da yoxdur. Telefona alışqanlıq vacib işlərimizi ertələməyimizə səbəb olur. Bəs, telefondan necə uzaq qalaq?

Mövzu ilə bağlı Sonxeber.az-a psixoloq Fərqanə Mehmanqızı danışıb:

O, açıqlamasında qeyd edib ki, texnologiya inkişaf etdikcə insan öz üzərində daha çox işləməlidir:

"Ağıllı telefonlar artıq həyatımızdan çıxmayacaq. Çünki texnologiya inkişaf etdikcə həyatımızın ayrılmaz parçasına çevrilir və özündən asılı vəziyyətə edir. İnsanın özünü idarə etmə bacarığı daha güclü olmalıdır. Belə ki, insan öz üzərində daha çox işləməlidir ki, diqqətini nəyə cəlb etdiyinə də özü qərar verə bilsin. Məsələn, telefondakı oyunlara yönəlmək də diqqət əksikliyinin göstəricisidir. Belə çıxır ki, texnologiya inkişaf etdikcə insan öz üzərində daha çox işləməlidir və öz iradəsini, nəfsini idarə etməyi bacarmalıdır. Eyni zamanda mənəvi zənginliyə daha çox meyil etməlidir".

Telegramda izləyin