"Deyiblər ki, ağır vəziyyətdə xəstəxanaya düşmüşəm"

Tiktokda haqqımda məlumat yayıblar və deyiblər ki, guya mən ağır vəziyyətdə xəstəxanaya düşmüşəm. Əvvəlcə eynimə almadım, amma sonradan saysız-hesabsız zənglər gəldi və narahat oldum. İnsanın heysiyyatı ilə belə oynamazlar.

Milli.Az bildirir ki, bu sözləri Kult.az-a açıqlamasında xalq artisti, aktrisa Səidə Quliyeva sosial şəbəkələrdə haqqında yayılan məlumatlarla bağlı deyib.

"Axı mənim əzizlərim-doğmalarım, uzaqda yaşayanlarım var. Onlar da zəng edib, ağlaya-ağlaya nə baş verdiyini soruşurlar. Bu yaxınlarda anamı itirmişəm, gələn bazar günü də 40 mərasimidir. Anamı itirmək mənə pis təsir elədi, amma xəstəxanalıq deyiləm axı. 23 ildir şəkər xəstəsiyəm, heç vaxt da şikayət etməmişəm. Ümumiyyətlə, şikayət edən biri deyiləm, həyata da çox nikbin baxıram. Amma haqqımda bu xəbəri yayanları lənətləyirəm", - Səidə Quliyeva bildirib.

Telegramda izləyin