Bir gündə 8 mənzili soydular: Hər şeyi oğurladılar

Türkiyədə hər kəsi şok edən oğurluq hadisəsi baş verib. Mənzil sahiblərindən İrfan Nərgiz evə gedəndə mənzilin pilləkənində yerləşən elektrik enerjisinin kəsildiyini görüb.

Mənzilinə daxil olaraq qapının açıq olduğunu və içəri qapıların sındırıldığını görən Nərgiz evində oğurluq olduğunu anlayıb və 112 Təcili Yardım Mərkəzinə zəng edərək oğurluq barədə məlumat verib.

Sonxeber.az türk mediyasına istinadən xəbər verir ki, məlumata görə, hadisə yerinə gələn polis qrupları apardıqları ilkin araşdırma zamanı oğurluğun eyni binanın daha 7 mənzilində baş verdiyini müəyyən ediblər.

Oğruların bəzi mənzillərə eyvan şüşələrini sındıraraq daxil olub və oğurlanmış əşyaları eyvandan apardıqları müəyyən edilib.

Polis qrupları ərazidəki iş yerləri və otellərin təhlükəsizlik kamerası görüntülərini araşdırmağa başlayıb. Şübhəlilər təhlükəsizlik kameraları vasitəsilə müəyyən edilib. Oğruların oğurladıqları əşyalarla mənzildən çıxarkən də təhlükəsizlik kameralarına düşüb.

Şəxsiyyətləri müəyyən edilən şübhəliləri M.Ş., S.K., C.S. və S. D. Erdemli polisi tərəfindən eyni vaxtda keçirilən basqınlarda yaxalanıb.

Telegramda izləyin