Yolda mübahisə etdiyi şəxsi tapança ilə vuran iş adamı həbs olundu - VİDEO

Hadisə İstanbulun Sancaktəpə qəsəbəsində baş verib.

Sonxeber.az türk mediyasına istinadən xəbər verir ki, iş adamı Hüseyn Atılganla Bəkir Eydoğan arasında tıxacda bir-birinə yol vermək üstündə mübahisə düşüb.

Mübahisə böyüdükdə isə Atılgan belindən tapança çıxarıb və Eydoğanı güllələyib. Yaralı təcili yardım maşını ilə xəstəxanaya aparılarkən, Atılgan maşınına minərək hadisə yerini tərk edib.

Hadisədən sonra tutularaq nəzarətə alınan şübhəli polis bölməsindəki əməliyyatlardan sonra Kartal Anadolu Ədliyyəsinə göndərilib.

Şübhəli ifadəsində "Maşını ilə məni küncə sıxaraq söyüş söydü. Məni vurmağa çalışdı. Yerə bir güllə atdım, adamı nişan almadım. Məqsədim özümü müdafiə etmək idi",- deyib.

Şübhəli prokurora ifadə verdikdən sonra həbs tələbi ilə hakimə sövq edilib və Anadolu 5-ci Sülh Cəza Məhkəməsi tərəfindən "qəsdən yaralama" cinayətindən həbs edilib.

Telegramda izləyin