İnsan səsi ilə "danışan" quş internetin ulduzu oldu - VİDEO

Hindistanın bir kəndində peyda olan bu quş bütün sakinləri təəccübləndirib.

Hindistanın Palqar bölgəsində yerli bir qadının üç il boyunca qayğısına qaldığı qarğa qəfil insan nitqini təkrarlamağa başlayıb. Quşun "papa" sözünü təkrarladığı video sürətlə yayılaraq sosial şəbəkələrdə böyük maraq doğurub.

Lent.az bu maraqlı görüntünü təqdim edir:

Palqar şəhərindən olan Tanudja Mukne adlı qadın xəbərlərin qəhrəmanına çevrilib. Üç il əvvəl bağında tapdığı və baxdığı qarğa gözlənilmədən "insan kimi danışmağa" başlayıb. Quşun "papa" sözünü dəfələrlə deməsi ilə bağlı video cəmi bir gün ərzində 1,3 milyondan çox izlənmə toplayaraq viral olub.

Tanudja Mukne tərəfindən baxılan və sonradan yenidən onun həyatı­na qayıdan bu quş, artıq insanlarla fəal şəkildə ünsiyyət qurmağa çalışır. Qarğa insan sözlərini inanılmaz dəqiqliklə təkrarlayaraq təkcə yerli sakinləri deyil, "Instagram", X və LinkedIn kimi platformalarda minlərlə istifadəçini heyrətləndirib.

Hadisənin Palqar bölgəsinin Vada Taluk kəndində baş verdiyi qeyd olunan paylaşımda quşun demək olar ki, ailənin bir üzvünə çevrildiyi vurğulanır. Onun "insan səsi" ilə danışması hamını təəccübləndirib və heyran edib.

İstifadəçilər şərhlərdə həyəcanlarını bildirərək zarafatla qeyd ediblər ki, bu qarğa "təbiət möcüzəsi" və "quşlar arasında dahidir". Biri hətta belə deyib: "Əgər onun həqiqi səs telləri olsaydı, indiyə qədər musiqi albomu çıxarmışdı." Digərləri isə vurğulayırlar ki, qarğaların intellekti 7 yaşlı uşaq səviyyəsindədir və bu quşlar çox vaxt tutuquşularla müqayisədə yetərincə qiymətləndirilmir.

Bu hadisə təkcə internetdə yayılmış maraqlı bir xəbər deyil, həm də quşların qabiliyyəti və intellekti barədə düşünməyə əsas verir. Mütəxəssislər bu qeyri-adi quşun davranışını öyrənməkdə maraqlı olduqlarını bildiriblər.

Telegramda izləyin