Süni şəkildə yaradılmış zülallarla eksperimentlər: Yeni pandemiya TƏHLÜKƏSİ

Amerikalı alimlər MERS-CoV virusuna yaxın olan bəzi koronavirusların SARS-CoV-2 ilə eyni reseptoru (ACE2) istifadə edə bildiyini açıqlayıblar və bunun potensial pandemiya təhlükəsi yaratdığını bildiriblər.

Oxu.Az-ın TASS-a istinadən verdiyi məlumata görə, rusiyalı viroloq, professor Nikolay Nikitin bu məsələyə münasibət bildirib və iddianı şişirdilmiş hesab edib.

Alimin sözlərinə görə, amerikalı mütəxəssislər laboratoriyada süni şəkildə yaradılmış virus zülalları ilə təcrübələr aparıblar.

"Müəlliflər məqalədə Amerika kəşf etməyiblər - yeni pandemiyaya səbəb ola biləcək koronaviruslar var. Lakin məhz həmin virusa əvvəlcədən yoluxmaq ehtimalı çox azdır. Bu nəticələr real şəraitə uyğun deyil, çünki virusların yayılması üçün təkcə hüceyrəyə daxilolma yetərli deyil. İnsan orqanizmi, xüsusilə immun sistemi virusun çoxalmasına mane ola bilər. Yeni pandemiyanın başlaması üçün çoxsaylı amillərin eyni anda təsir göstərməsi lazımdır", - deyə alim vurğulayıb.

Nikitin əlavə edib ki, MERS-CoV hələ də mövcuddur və yoluxma əsasən dəvə fermalarında müşahidə olunur. Lakin hazırda ölüm halları minimum səviyyəyə enib.

Telegramda izləyin