Uçuşdan əvvəl hansı qidaları yemək OLMAZ

Uzun məsafəli uçuşlar ən yaxşı şəraitdə belə nadir hallarda tam komfortlu olur. Lakin uçuşdan əvvəl yanlış qida seçimi narahat səfəri tam bir sınağa çevirə bilər.

Lent.az bu qidaları təqdim edir:

Paxlalılar və kələmsəkillər

Bütün faydalarına baxmayaraq, brokkoli, kələm, mərcimək və noxud kimi məhsullardan uçuşdan bir neçə saat əvvəl uzaq durmaq tövsiyə olunur. Bu məhsullar qaz əmələ gətirir və hündürlükdə bu, qarında şişkinlik və ağrılara səbəb ola bilər.

Uçuş zamanı mayalanma prosesi daha da sürətlənir və narahatlıq artır. Bu qidalar faydalıdır, amma onları enişdən sonra yemək daha məqsədəuyğundur.

Duzlu qəlyanaltılar

Çipslər, hisə verilmiş məhsullar, duzlu qoz-fındıq və ya duzlu hazır yeməklər bədəndə maye saxlanmasına səbəb olur. Kabinədəki quru hava ilə birlikdə bu, orqanizmdə susuzluq, yorğunluq və şişkinlik yaradır.

Belə yeməklər ağırlıq, süstlük və hətta baş ağrısına səbəb ola bilər. Daha yaxşı olar ki, duzsuz və yüngül qəlyanaltılar seçəsiniz.

Qazlı içkilər

Qazlı sular - hətta adi, güclü qazlı su belə - şişkinliyə səbəb ola bilər. Çünki uçuş zamanı qaz qabarcıqları genişlənir. Bu, mədədə təzyiq və ya meteorizm (qaz yığılması) yarada bilər.

Hündürlükdə bu narahatlıq daha da artır və az miqdarda içki belə xoşagəlməz təsir göstərə bilər. Qazsız suya və ya bitki çayına üstünlük vermək məsləhətdir.

Saqqız

Bir çoxları qalxış zamanı qulaqlardakı təzyiqi bərabərləşdirmək üçün saqqız çeynəyir. Amma hər çeynəmədə bilmədən hava udulur, bu da yenə şişkinliyə səbəb olur. Çox və ya uzun müddət saqqız çeynəmək qarında dolğunluq hissi yaradır. Üstəlik, saqqızların tərkibindəki bəzi şirinləşdiricilər də mədəni qıcıqlandıra bilər.

Alkoqol

Alkoqol susuzlaşdırmanı artırır, bu da uçuş şəraitində daha da güclənir. Hətta kiçik doza belə baş ağrısı, şişkinlik və zəif yuxu keyfiyyətinə səbəb ola bilər.

Kompleks karbohidratlar

Alma, armud, ərik, həmçinin paxlalılar və buğda mürəkkəb karbohidratlar ehtiva edir ki, bunlar həzm olunması çətin maddələrdir. Uçuş zamanı bunlar şişkinlik, spazm və ya ishala səbəb ola bilər. Xüsusilə həssas insanlar buna diqqət etməlidir. Daha neytral qida seçmək məsləhətdir — məsələn, banan və ya naringi mədəyə daha yüngüldür.

Qızardılmış və yağlı qidalar

Fəst-fud, ponçik, yağlı və ya donuz ətindən hazırlanmış bulka - bütün bunlar uzun müddət həzm olunur, ağırlıq və yanğıya səbəb olur. Uçuş zamanı maddələr mübadiləsi yavaşlayır və orqanizm su itirir - belə qidalar vəziyyəti daha da çətinləşdirir. Tez-tez belə yeməklərdən sonra təyyarədə ürəkbulanma və ya meteorizm başlayır. Daha yaxşısı, qızardılmamış və az yağlı yüngül qida seçməkdir.

Bəs uçuşdan əvvəl nə yemək olar?

Ən yaxşısı - yüngül və balanslaşdırılmış nahar: məsələn, qaynadılmış yumurta ilə tərəvəz, toyuq əti ilə düyü, kinoa və ya tam taxıllı çörəklə salat. Meyvələrdən - banan, portağal və ya giləmeyvə qarışığı. Ən vacibi isə: uçuşdan əvvəl, uçuş zamanı və sonrasında bol qazsız su içmək. Həmçinin, uçuş zamanı kabinədə bir az hərəkət etmək həzm sisteminin normal işləməsinə kömək edər.

Telegramda izləyin