Ən ucuz idman avtomobilləri: İlk onluq açıqlandı

10 ən ucuz idman avtomobilinin adı açıqlanıb.

Oxu.Az-ın xəbərinə görə, "HotCars" portalı məlumat verib.

Portalın mütəxəssisləri avtomobil satışı ilə bağlı məlumatları təhlil ediblər.

Ən ucuz işlənmiş idman avtomobilləri siyahısına 2008-ci ilin "Dodge Caliber SRT-4" modeli başçılıq edir. "Dodge Caliber SRT-4" 285 at gücü hasil edən 2.4 litrlik turbo mühərrik və altıpilləli mexaniki ötürücü qutuya malikdir.

İkinci yeri 2004-cü il buraxılışlı "Dodge Neon SRT-4" tutub. Bu avtomobil mexaniki ötürücü qutu ilə birlikdə 230 at gücü hasil edən 2.4 litrlik mühərriklə təchiz edilib.

Üçüncü yerdə 2010-cu ilin "Mazda Mazdaspeed 3" modeli gəlir. Bu hetçbekin güc qurğusu 263 at gücü hasil edən 2.3 litrlik turbo mühərrikdir. Avtomobil altıpilləli mexaniki ötürücü qutu ilə təchiz edilib.

Sonrakı sıralarda 2003-cü ilin "Ford Focus SVT", 2014-cü ilin "Ford Focus ST", 2014-cü ilin "Ford Fiesta ST", 2015-ci ilin "Volkswagen Golf GTi", 2016-cı ilin "Lincoln MKS Ecoboost", 2018-ci ilin "Honda Civic Si" və 2010-cu il "Subaru Impreza WRX STi" modelləri yer alıblar.

Telegramda izləyin