"Telegram"ın qurucusu 17 milyardlıq sərvətini 106 uşağına miras qoyacağını açıqlayıb

"Telegram"ın qurucusu Pavel Durov 17 milyard funt-sterlinq sərvətini həm təbii yolla, həm də sperma donorluğu yolu ilə doğulan 106 uşağına verəcəyini açıqlayıb.

Sonxeber.az türk mediasına istinadən xəbər verir ki, Durovun üç fərqli partnyordan altı uşağı var. Bununla belə, onun 12 fərqli ölkədə onlarla cütlüyə sperma bağışlayaraq 100-ə yaxın uşaq daha dünyaya gətirdiyi düşünülür.

"Onların hamısı mənim övladlarımdır və mən onların bərabər hüquqlara malik olmasını istəyirəm. Mən öldükdən sonra onların bir-biri ilə dava etməsini istəmirəm" deyə bildirib.

Bununla belə, milyarder iş adamı əlavə edib ki, 30 il ərzində övladlarına heç bir maliyyə payı verilməyəcək.

"Qoy onlar normal insanlar kimi yaşasınlar, öz həyatlarını qursunlar, özlərinə güvənməyi öyrənsinlər, yaradıcı olsunlar – bank hesabından asılı olmasınlar", - o deyib.

Telegramda izləyin