SOFAZ-ın İtaliyadakı yeni investisiyası

SOFAZ-ın İtaliyadakı yeni investisiyasıİyulun 18-də Romada Azərbaycan Respublikasının Dövlət Neft Fondu (SOFAZ) ilə "Enfinity Global" şirkəti arasında sövdələşmənin bağlanması mərasimi keçirilib.

Oxu.Az "Trend"ə istinadla xəbər verir ki, tədbirdə İtaliya hökumətinin nümayəndələri, diplomatlar və media təmsilçiləri iştirak ediblər. Mərasimdə SOFAZ-ın icraçı direktoru İsrafil Məmmədov, "Enfinity Global"ın Avropa üzrə rəhbəri Xulio Furnye Fisas və İtaliyanın Sahibkarlıq və "Made in Italy" proqramı üzrə Nazirliyinin Bazarların Müdafiəsi Departamentinin direktoru Amedeo Teti iştirak ediblər.

Sövdələşmə çərçivəsində SOFAZ "Enfinity Global" şirkətinə məxsus ümumi gücü 402 MVt olan günəş elektrik stansiyaları portfelinin 49 faizini əldə edib. Şirkət isə 51 faizlik nəzarət payını saxlayaraq aktivlərin uzunmüddətli idarəçiliyini davam etdirəcək.

İnvestisiya portfeli Latsio və Emiliya Romanya bölgələrində yerləşən, həm istismarda olan, həm də inşaat mərhələsində olan 14 günəş elektrik stansiyasını əhatə edir. İstehsal edilən bütün elektrik enerjisi uzunmüddətli elektrik enerjisinin alqı-satqısı müqavilələri (PPA) əsasında satılacaq ki, bu da istehlakçılar üçün tariflərin sabitliyini, investorlar üçün isə proqnozlaşdırılan pul axınlarını təmin edəcək.

İllik enerji istehsalının təxminən 685 milyon kilovatt-saat təşkil edəcəyi və bunun hər il təqribən 184 950 ton CO₂ emissiyasının qarşısını almağa, həmçinin, təqribən 250 min İtaliya ailəsini enerji ilə təmin etməyə imkan verəcəyi gözlənilir. Bu investisiya SOFAZ-ın uzunmüddətli investor kimi strateji hədəflərinə cavab verir və Avropada coğrafi şaxələndirməni təmin edir, inflyasiyaya indeksləşdirilmiş sabit gəlir mənbəyi yaradır və qlobal enerji keçidinə töhfə verir.

Karbohidrogenlərdən elektronlara doğru

Onilliklər boyunca Azərbaycan və İtaliya arasında əməkdaşlıq neft-qaz sektoru, boru kəməri infrastrukturu və enerji təhlükəsizliyi məsələləri ətrafında qurulub. SOFAZ-ın bu yeni investisiyası tərəfdaşlığın keyfiyyətcə yeni mərhələyə - karbohidrogenlərdən davamlı enerjiyə, molekullardan elektronlara keçdiyini nümayiş etdirir.

Layihə İtaliyanın artan tələbatını ödəmək üçün rəqabətə davamlı və təmiz enerji ilə təmin olunmasına, yerli iqtisadi inkişafın və əhalinin enerji təhlükəsizliyinin dəstəklənməsinə, habelə İtaliyanın karbonsuzlaşdırma üzrə milli prioritetlərinə və qalıq resurslarının idxalından asılılığın azaldılması, bərpa olunan enerji mənbələrinə keçidin sürətləndirilməsi məqsədi daşıyan ümumavropa "REPowerEU" planına uyğundur.

İtaliya SOFAZ-ın əsas investisiya bazarlarından biridir

İtaliya SOFAZ-ın portfelində ən çox investisiya qoyduğu ölkələr arasında dördüncü yerdə gəlir. Fondun bu ölkəyə yatırdığı ümumi investisiyaların həcmi 3 milyard ABŞ dollarını ötür və bu, həm ənənəvi maliyyə alətlərinə, həm də alternativ aktivlərə - infrastruktur, daşınmaz əmlak və özəl səhmlərə yönəlmiş yatırımları ehtiva edir.

Belə ki, bu ilin fevralında SOFAZ "BlackRock"a məxsus olan "Global Infrastructure Partners" (GIP) tərəfindən idarə olunan investisiya fondu vasitəsilə İtaliyanın aparıcı sürətli qatar operatoru "Italo - Nuovo Trasporto Viaggiatori S.p.A" (Italo) şirkətinə 34,5 milyon avro həcmində sərmayə yatırıb.

"Italo" şirkəti 2012-ci ildə təsis olunaraq İtaliyada ilk özəl yüksək sürətli sərnişin dəmir yolu operatoru olub və bu sahədə aparıcı mövqe tutur. "Italo"nun parkında 25 ədəd AGV 575 və 26 ədəd "Italo EVO" qatarı mövcuddur. Bu qatarlar saatda 360 km-ə qədər sürət yığa bilir və Milan-Roma strateji dəhlizi də daxil olmaqla, İtaliyanın 54 şəhərini əhatə edən marşrutlarda fəaliyyət göstərir.

2024-cü ildə qlobal nəqliyyat və logistika nəhəngi MSC şirkəti GIP-dən "Italo"nun təxminən 50% səhmlərini alıb. Qalan 50% isə GIP-ə, onunla ortaq investor və fondlara məxsusdur; bu fondlar arasında SOFAZ da var. "Italo" yüksək əməliyyat göstəricilərinə və davamlı nəqliyyat həllərinə artan tələbat fonunda ciddi inkişaf potensialına malikdir. SOFAZ-ın bu investisiyası isə portfelin şaxələndirilməsi və uzunmüddətli infrastruktur aktivlərinə sərmayə qoyuluşu baxımından strateji əhəmiyyət daşıyır.

ESG-yönümlü strategiya

SOFAZ tükənə bilən təbii ehtiyatlardan əldə edilən gəlirlərin toplanması və bu gəlirlərin hazırkı və gələcək nəsillər üçün dayanıqlı mənbəyə çevrilməsi missiyası ilə yaradılıb. 2024-cü ildə Fond 25 illiyini qeyd edib və hazırda 66 milyard ABŞ dollarından artıq aktiv idarə edir ki, bu da ölkənin ÜDM-in 90 faizindən çoxdur. 2024-cü ildə investisiya portfelinin gəlirliliyi 6% təşkil edib.

Uzunmüddətli institusional investor prinsiplərinə əsaslanaraq SOFAZ yüksək diversifikasiyalı portfellə, dayanıqlı və çevik investisiya strategiyası həyata keçirir. Portfel 50-dən çox ölkəni və bütün əsas maliyyə aktivləri siniflərini ehtiva edir. Fond qlobal makroiqtisadi meyilləri - enerji keçidi, rəqəmsallaşma, nəqliyyat və logistika sahələrinin inkişafını yaxından izləyir və birbaşa və ortaq strateji investisiya imkanlarını qiymətləndirməyə davam edir.

2024-cü ildə SOFAZ ESG prinsiplərinin ilkin inteqrasiyası mərhələsindən keçərək ESG-yə əsaslanan aktiv yanaşmaya keçid edib. Birbaşa aktivlər və daşınmaz əmlaka dair bütün yeni investisiyalar üçün vahid ESG "due diligence" (etibarlılıq yoxlaması) metodologiyası tətbiq olunub. Bu metodologiya dörd əsas istiqaməti əhatə edir: şirkət quruluşu, strategiya, qarşılıqlı əlaqə və risk səviyyəsi. Belə yanaşma fond menecerlərinin və şirkətlərin ESG strategiyalarının dərin təhlilini təmin edir və potensial risklərin minimuma endirilməsinə kömək edir.

2023-cü ilin nəticələrinə əsasən, SOFAZ-ın istiqraz və səhmlər portfelində karbon emissiyası səviyyəsi müvafiq göstərici ilə müqayisədə daha aşağı olub. Bundan əlavə, səhmlər portfelinə daxil olan şirkətlərin 61%-i gender bərabərliyinin, 36%-i iqtisadi inkişafın, 35%-i isə BMT-nin Dayanıqlı İnkişaf Məqsədləri çərçivəsində iqlim dəyişikliyi ilə mübarizənin təşviqinə töhfə verib.

Birbaşa investisiya portfelində şəffaflıq səviyyəsi 72%-ə (orta bazar göstəricisi - 9%), daşınmaz əmlak üzrə isə 73%-ə (orta bazar səviyyəsi - 11%) çatıb. Bu, Fondun aktivlərinin yüksək keyfiyyətlə idarə olunduğunu göstərir.

SOFAZ, həmçinin, ictimai səhmlər portfelində proksi səsvermə (proxy voting) sistemini tətbiq edib. Bu sistem 18 ölkədə keçirilmiş 86 səhmdar toplantılarında 671 məsələ üzrə səsverməyə imkan yaradıb. Müzakirə olunan məsələlər ekoloji, sosial təşəbbüslər və korporativ idarəetmə ilə bağlı olub. Bu isə SOFAZ-ın aktiv və məsuliyyətli səhmdar kimi rolunu gücləndirərək, investisiya etdiyi şirkətlərin korporativ idarəetmə keyfiyyətinin və ESG hədəflərinin reallaşmasının dəstəklənməsinə şərait yaradır.

SOFAZ-ın İtaliyada günəş enerjisinə və yüksək sürətli dəmir yollarına ("Italo" vasitəsilə) yatırdığı investisiyalar Fondun davamlı, yüksək gəlirli və şaxələndirilmiş aktivlərə yönələn strateji transformasiyasını nümayiş etdirir. Bu addımlar Azərbaycanın maliyyə sabitliyini möhkəmləndirir, Avropanın enerji keçidini dəstəkləyir, ikitərəfli iqtisadi tərəfdaşlığı dərinləşdirir və SOFAZ-ın əsas missiyasının - milli sərvətin gələcək nəsillər üçün artırılmasının - həyata keçirilməsinə xidmət edir.


Sonxeber.az
Telegramda izləyin
İqtisadiyyat   Baxılıb: 993   Tarix: 24 iyul 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Maliyyə Nazirliyi 60 milyon manat da BORC ALDI

18 may 2021-ci il tarixində Bakı Fond Birjasında Azərbaycan Respublikası Maliyyə Nazirliyinin AZ0105016882 ISIN-li, 40 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib. Hərrac zamanı 18 investor tərəfindən qiymət interval

18 may 2021
.

20 qəpiyə alınıb 80 qəpiyə satılan pomidor - Niyə bu qədər fərq var? - VİDEO

Saatlıda pomidor yığımı davam edir. 2 həftədir sahədən məhsul yığılır və indiyədək 30 ton məhsul tədarük edilib. Xəzər TV-yə istinadən xəbər verir ki, məhsul bol olsa da, qiymətlər aşağıdır. Hazırda sahədə pomidorun kiloqramı 20 qəpiyə satılır. Bu isə təsərrüfat sahiblərini qane etmir. Çəkilən xərcl

26 iyul 2021
.

Musiqi təhsilinin inkişafında xidmətlərə görə orden və medallar verildi - SƏRƏNCAM

Prezident İlham Əliyev Üzeyir Hacıbəyli adına Bakı Musiqi Akademiyasının əməkdaşlarının təltif edilməsi haqqında sərəncam imzalayıb. Bununla bağlı məlumat yayıb. Sərəncama əsasən, Üzeyir Hacıbəyli adına Bakı Musiqi Akademiyasının 100 illiyi münasibətilə Azərbaycanda musiqi təhsilinin inkişafında xidmətlərin

17 sentyabr 2021
.

"Bitcoin"in qiyməti düşdü

Dünyanın ən populyar kriptovalyutası olan "bitcoin"in qiyməti 18 faizdən çox düşüb. TASS-a istinadla xəbər verir ki, saat 20:45 (GMT+4) üçün "bitcoin"in dəyəri 18,32 faiz ucuzlaşaraq 31,179 min dollar təşkil edib. Qeyd edək ki, saat 16:55-də "bitcoin"in qiyməti 33,348 (-11,0

23 may 2021
.

Güzəştli kreditlərin verilməsi proseduru sadələşdirilib - VİDEO

Sahibkarlar üçün maliyyə dəstəyi mexanizmlərindən istifadə asanlaşdırılıb. Güzəştli kreditlərin verilməsi proseduru sadələşdirilib. Xəzər TV-yə istinadən xəbər verir ki, Sahibkarlığın İnkişafı Fondu tərəfindən daxil olan müraciətlər əsasında təhlillər aparılıb və maliyyə dəstəyi mexanizmlərindən istifad

3 sentyabr 2021
.

Azərbaycanda bu məhsullar ucuzlaşıb - SİYAHI

Cari ilin iyun ayında əvvəlki aya nisbətən Azərbaycanda bahalaşan və ucuzlaşan məhsullar məlum olub. -ın məlumatına görə, ayrı-ayrı ərzaq məhsullarından daha çox bahalaşma düyünün, qarabaşaq yarmasının, makaron məmulatlarının, toyuq ətinin, kolbasa məmulatlarının, dondurulmuş balığın, qatılaşdırılmı

17 iyul 2021
.

Azərbaycanda avtomobillərin qiyməti niyə bahalaşır? -AÇIQLAMA

Pandemiya dövründə iqtisadi aktivliyin azalması bütün sahələrə öz mənfi təsirini göstərdi. Bu dövrdə ən çox zərər çəkən sahələrdən biri də avtomobil bazarı oldu. Maraqlıdır, hazırda avtomobil bazarında vəziyyət necədir, növbəti mövsümdə qiymətlər hansı istiqamətdə dəyişəcək?. Mövzu ilə bağlı -ın sulların

15 may 2021
.

Bakıda kirayə evlərin qiyməti bahalaşacaq? - AÇIQLAMA

Artıq bir ildir ki, təhsil distant şəkildə davam etdirilir. Həmin səbəbdən də tələbələrin rayondan axını azalıb və bu, kirayə evlərin icarəsində durğunluq yaradıb. Dünən isə Təhsil Nazirliyi sentyabr ayının 29-da ali təhsil ocaqlarında və kolleclərdə dərslərin əyani şəkildə olacağı ilə bağlı qərarın

8 sentyabr 2021
.

İyulun 22-nə USD/AZN rəsmi məzənnəsi

Azərbaycan Mərkəzi Bankı (AMB) iyulun 22-nə olan USD/AZN rəsmi məzənnəsini açıqlayıb. AMB-dən -a bildirilib ki, bankın iyulun 22-dən etibarən USD/AZN rəsmi məzənnəsi 1,700 manat səviyyəsində müəyyən olunub

17 iyul 2021