Tualet fırçasına kamera qoyub qadınları izlədi

Rusiyanın paytaxtı Moskvada tualetdə qadınları izləyən kişi saxlanılıb.

Lent.az yerli mediaya istinadla bildirir ki, bu gülməli insident Novo-uxtomskiy şossesindəki ticarət mərkəzində baş verib.

64 yaşlı elektrik bir müddət əvvəl "AliExpress" vasitəsilə bir neçə gizli videoregistrator alıb. Bundan sonra ticarət mərkəzinə yollanıb. Usta kameraları tualet fırçalarında gizlədib. Bütün bunları əxlaqsız şəxs qadın tualetində yerləşdirib. İşin əvvəlində ifşa olunmamaq üçün 64 yaşlı kişi qadın paltosu, parik, şərf, əlcək (hadisə erkən yazda olub) geyinib, üzünə isə dodaq boyası və tonal krem çəkib. Tezliklə aparat istifadəyə hazır olub.

Lakin ilk çəkiliş dərhal fiaskoyla nəticələnib. Əxlaqsız şəxs ifşa olunub və polis tərəfindən saxlanılıb. Ekspertiza elektrikdə müəyyən psixoloji sapmalar aşkar edib – məlum olub ki, o, qadınlara baxarkən həyəcanlanır. Onun barəsində Cinayət Məcəlləsinin iki maddəsi ("Şəxsi həyatın toxunulmazlığını pozma" və "Məlumatı gizli əldə etmək üçün nəzərdə tutulmuş texniki vasitələrin qanunsuz dövriyyəsi") üzrə cinayət işi açılıb. Cinayətkara 250 min rubl məbləğində cərimə kəsilib.

Telegramda izləyin