Dünyanı 46 günə dövr edən quş növü - Tək qorxuları insanlardır

Okean sularında nadir bir quş - səyahətçi albatros yaşayır. O, bütün müasir quş növləri arasında qanad açıqlığına görə rekordçu hesab olunur.

Sonxeber.az Lent.az-a istinadən xəbər verir ki, quşun qanadlarının uzunluğu 3,5 metrədək çata bilir ki, bu da ona xüsusi bir əziyyət çəkmədən son dərəcə uzun uçuşlar etməyə imkan verir.

Xüsusi bir uçuş texnikası, dinamik süzülmə sayəsində albatros okean səthindəki külək sürəti qradientlərindən istifadə edir. Quş suyun üzərində alçaqdan uçur, sürət toplayır, kəskin yuxarı qalxaraq hava axınlarını tutur və sonra yenidən aşağı enir. Bu dövrləri təkrarlamaqla o, minlərlə kilometr məsafəni qət edə, sürətini isə saatda 100 km-ə qədər artıra bilir. Məlumdur ki, bəzi fərdlər cəmi 46 günə bütün Yer kürəsini dövr edə bilirlər.

Səyahətçi albatros ömrünün böyük hissəsini Antarktidanı əhatə edən Cənub okeanı üzərində havada keçirir. O, yalnız ov tutmaq, balıq və ya kalmar yaxalamaq və ya çoxalma üçün yerə enir. Maraqlıdır ki, bu növ monoqamdır: quşlar ömürlük cütlər əmələ gətirirlər. Lakin bala böyütməyin böyük enerji tələb etməsi səbəbindən yumurtanı yalnız iki ildən bir qoyurlar.

Bütün bu heyrətamiz bacarıqlarına baxmayaraq, səyahətçi albatros hələ də həssas növ hesab olunur. Onun üçün ən böyük təhlükə balıqçıların qarmaqlarıdır. Çünki quşlar daha çox torlara dolaşaraq məhv olurlar.

Telegramda izləyin