Yatan nəhəng oyandı: Naməlum sahibkar 11 il sonra 138 dəfə bahalaşan "Bitcoin"ləri köçürdü

Naməlum sahibkar uzun illər toxunulmamış hesabındakı 1 000 BTC-ni (təxminən 116 milyon dollar) 11 ildən sonra ilk dəfə hərəkətə keçirib.

Oxu.Az bu barədə RBK-ya istinadən xəbər yayıb.

Məlumata görə, köçürmə 17 sentyabr gecəsi üç tranzaksasiyası ilə həyata keçirilib. Hesab sahibi həmin "Bitcoin"ləri 2014-cü ilin yanvarında, 1 BTC = 840 dollar olduğu vaxt əldə edib. O zaman aktivlərin ümumi dəyəri cəmi 836 min dollar idi - bugünkü qiymətləndirmədən 138 dəfə az.

Hesabda yalnız 0.00066 BTC (təxminən 77 dollar) qalıb. Beləliklə, kurs artımından əldə olunan ümumi gəlir 115,9 milyon dolları keçib.

Qeyd edək ki, bu, son aylarda "oyanan" köhnə "Bitcoin" hesablarından yalnız biridir.

İyul ayında 2011-ci ildən bəri toxunulmamış və üzərində 80 000 BTC (9 milyard dollardan çox) saxlanılan hesablar hərəkətə gətirilmiş, pullar "Galaxy Digital" vasitəsilə satılmışdı.

Elə həmin dövrdə 2010-cu ildən qalan və 0,15 dollardan alınmış "Bitcoin"lər də (ümumi 30 milyon dollar dəyərində) çıxarılmışdı.

Ötən həftə isə 2012-ci ildən bəri toxunulmamış 444 BTC (50 milyon dollardan çox) hərəkətə gətirilib.

Kripto-ekspertlər hesab edirlər ki, belə köhnə hesabların aktivləşməsi bazarda satış təzyiqini artıra bilər. Lakin eyni zamanda bu, uzunmüddətli investorların mövqelərinin gücünü də nümayiş etdirir.

Telegramda izləyin