Zərgər qızıllarını satmaq istəyən vətəndaşı görün necə aldatdı - VİDEO

İstanbulda bir vətəndaş Kapalıçarşı yaxınlığında əlindəki qızılları satmaq istəyərkən dələduzluq cəhdinin qurbanı olmaqdan son anda xilas olub.

Sonxeber.az türk mediasına istinadən xəbər verir ki, vətəndaş 22 qramlıq qızıllarını satmaq üçün Kapalıçarşı ətrafındakı bir zərgərin yanına gedib. Lakin zərgər qızılların guya 14 qram olduğunu iddia edərək aşağı qiymət təklif edib. Şübhələnən vətəndaş qızıllarını satmazdan əvvəl Kapalıçarşının içindəki başqa bir zərgərə müraciət edib.

Aparılan yoxlama zamanı qızılların əslində 22 qram olduğu müəyyən edilib. Beləliklə, vətəndaş qızıllarını dəyərindən qat-qat aşağı qiymətə satmaqdan son anda yayınıb. "Az qala qızıllarımı dəyərsiz qiymətə verəcəkdim", – deyə o, yaşadığı təəccübü ifadə edib.

Zərgərlik ustaları vətəndaşlara tanımadıqları yerlərdə qızıl satmamağı tövsiyə edərək, xüsusilə turistik bölgələrdə "qramın azaldılması" kimi hiylələrlə edilən qiymət manipulyasiyalarına qarşı diqqətli olmalarını vurğulayıblar.

Telegramda izləyin