Xanlar Ağalarov "Green Flag Award"ı necə əldə edib? - Milli Parka verilən mükafatın izi ilə

Xanlar Ağalarov "Green Flag Award"ı necə əldə edib? - Milli Parka verilən mükafatın izi iləDənizkənarı Milli Park "Green Flag Award" beynəlxalq mükafatına layiq görülüb.

Qaynarinfo xəbər verir ki, bu barədə Dənizkənarı Bulvar İdarəsinin rəsmi saytında məlumat yerləşirilib.

Həmin məlumatda qeyd edilir ki, Dənizkənarı Milli Parkın "Green Flag Award"a namizədliyi bir neçə mərhələdən ibarət beynəlxalq qiymətləndirmə prosesi çərçivəsində həyata keçirilib. Parkın saxlanma və idarəetmə sistemi, ətraf mühit siyasəti, xidmət strukturu, yaşıllaşdırma və təmizlik standartları ilə bağlı əhatəli müraciət və sənədlər toplusu qiymətləndirilib.

"Green Flag Award" mükafatı Böyük Brtitaniyada təsis edilib. Mükafatın saytında bildirilir ki, məqsəd Birləşmiş Krallıq və dünya üzrə açıq havada istirahət məkanlarının idarə olunması üçün nümunəvi standart müəyyən etməkdir.

Xanlar Ağalarov "Green Flag Award"ı necə əldə edib? - Milli Parka verilən mükafatın izi iləStandartlara əsasən bunlar daxildir: yaşıllıq sahəsinin idarə olunmasında uğurlu təcrübə, yaxşı idarəetmə standartları...

Qiymətləndirmə isə 8 bölmə üzrə aparılır: qarşılanma, təhlükəsizlik, təmizlik, ekoloji idarəetmə, biomüxtəliflik/landşaft/irs, icma iştirakı, marketinq-kommunikasiya, idarəetmə. Ümumi bal 100-dür. Keçid üçün minimum 66 bal tələb olunur.

Bu mükafata onlayn şəkildə müraciət edilir. Bəzi sənədlər təqdim olunur və heç də az olmayan məbləğdə rüsumlar ödənilir. 20 hektara qədər ərazisi olan parklar üçün rüsüm 6000 paund (təxminən 13 600 AZN), 20 hektardan böyük olan parklar üçün isə daha 6000 paund rüsüm nəzərdə tutulur. Bu hardasa ilkin ödəmədir. Onlayn dəyərləndirmədən sonra bir neçə nümayəndə-qonağın gəlişi, qalma və yola salınma xərcləri də var. Bu xərclərin də "ev sahibi" tərəfindən qarşılandığını təxmin etmək olar. Üstəlik, mükafatı hər il saxlamaq-qorumaq üçün də əlavə rüsum-ödənişlər tələb olunur.

Qısası, "Green Flag Award" mükafatını almaq üçün əlin cibində olmalıdır. Lakin bununla işimiz yoxdur və məqsədimiz bu mükafatın nüfuzunu sual altına almaq deyil. Amma mükafatın hansı kriteriyalar üzrə (parkın saxlanma və idarəetmə sistemi, ətraf mühit siyasəti, xidmət strukturu və s.) verildiyini görəndə bəzi sualların yaranması da təbiidir.

Ən azı ona görə ki, Dənizkənarı Bulvar İdarəsinin keçmiş rəhbəri İlqar Mustafayevin məhkəməsi hələ bitməyib və ona qarşı irəli sürülən rəsmi ittihamlarda bu kriteriyaların az qala hamısının kobud şəkildə pozulmasından bəhs olunur.

Xatırladaq ki, İlqar Mustafayev 2024-cü ilin yanvarında vəzifəsindən azad edilib. Bundan sonra Hesablama Palatası Dənizkənarı Bulvar İdarəsində audit yoxlamasına başlayıb. 2024-cü ilin sentyabr ayında isə İqar Mustafayev həbs edilib.

Rəsmi ittihamda qeyd edilir ki, İlqar Mustafayevin 2021-2023-cü illər ərzində İdarənin fəaliyyəti istiqamətləri üzrə ayrılmış xüsusilə külli miqdarda pul vəsaitini mənimsəmə və israf etmə yolu ilə talamasına, vəzifə səlahiyyətlərindən sui-sitifadə etmə və vəzifə saxtakarlığı törətməsinə əsaslı şübhələr müəyyən edilib.

Toplanmış ilkin sübutlar əsasında İlqar Mustafayevə Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə), 308.2 (ağır nəticələrə səbəb olan vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham elan edilməklə müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında Binəqədi Rayon Məhkəməsinin qərarı ilə həbs qətimkan tədbiri seçilib. Cari ilin iyul ayında İlqar Mustafayevin məhkəməsi başlayıb.

Beləliklə, İlqar Mustafayevin həbsi fonunda Dənizkənara Milli Parkın "Green Flag Award" mükafatına "layiq" görülməsi və bunun təntənə ilə ictimaiyyətə təqdim edilməsi anlaşılan deyil.

Xanlar Ağalarov "Green Flag Award"ı necə əldə edib? - Milli Parka verilən mükafatın izi iləDənizkənarı Bulvar İdarəsinin yeni rəhbəri Xanlar Ağalarov ötən ilin yanvarında bu vəzifəyə təyin edilib. Yəni, o bir ildən artıqdır ki, idarəyə rəhbərlik edir. Bu dövrdə hansı əhəmiyyətli dəyişikliyə nail olunub? Milli Parkda hansı yeniliklər baş verib? Hələ biz onu demirik ki, "Green Flag Award" mükafatına namizədlik üçün sənədlərin təqdim edilməsi, qiymətləndirmə prosesinin özü də müəyyən vaxt tələb edir. Onda belə çıxır ki, Bulvar İdarəsi son vaxtlar əsas səylərini bu mükafatı əldə etməyə yönəldib. Əlbəttə, yəqin buna da ehtiyac var. Amma yeni rəhbərlik köhnədən qalma problemlərin hansı səviyyədə və nə qədər aradan qaldırıldığı barədə ictimaiyyətə də ətraflı hesabat verməyə diqqət ayırsa, yaxşı olardı.


Sonxeber.az
Telegramda izləyin
Sosial   Baxılıb: 806   Tarix: 13 oktyabr 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycan və Türkiyə jurnalistləri üçün Şuşaya mediatur təşkil olunub - Foto/Video

Zəfər Günündə Azərbaycan və Türkiyə mediasının nümayəndələri üçün Şuşa şəhərinə press-tur təşkil olunub. "Report"a istinadən xəbər verir ki, tədbir Azərbaycanın 44 günlük Vətən müharibəsindəki qələbəsinin altıncı ildönümünə həsr edilib. Tur Yuxarı Gövhər ağa məscidinin ziyarət edilməsi il

8 noyabr
.

Xankəndidəki Zəfər Muzeyinin məkanı bəlli olub

Xankəndi şəhərində yerləşəcək Zəfər Muzeyinin məkanı bəlli olub. AZƏRTAC-a istinadən xəbər verir ki, Prezident İlham Əliyev Zəfər Günü münasibətilə Azərbaycan xalqına təbrikində bu barədə danışıb. Dövlətimizin başçısı deyib: "Bu təbrik sözlərimi mən Xankəndidə, Zəfər tağının önündə deyirəm. Bu

8 noyabr
.

Azərbaycanda bu şəxslərə 200 manat veriləcək

Təhsilin İnkişafı Fondu (TİF) və Qırmızı Ürəklər Fondu arasında "Qırmızı Ürəklər" Təhsil Təqaüd Proqramının davam etdirilməsinə dair müqavilə imzalanıb. Yeni mərhələdə daha 20 tələbəyə təqaüd ayrılması nəzərdə tutulur. Ölkə.az xəbər verir ki, müqaviləni Təhsilin İnkişafı Fondunun İdarə Heyətini

8 noyabr
.

FHN-də Zəfər Gününə həsr olunmuş təntənəli tədbir keçirilib

Fövqəladə Hallar Nazirliyində (FHN) 8 Noyabr - Zəfər Gününə həsr olunmuş təntənəli tədbir keçirilib. Bu barədə "Report"a FHN-dən məlumat verilib. Bildirilib ki, tədbirdə fövqəladə hallar naziri general-polkovnik Kəmaləddin Heydərov və Nazirliyin əməkdaşları, Vətən müharibəsi veteranları iştira

7 noyabr
.

Azərbaycan 9 ayda nar ixracından 6 milyon dollardan çox gəlir əldə edib

Bu ilin yanvar-sentyabr aylarında Azərbaycan 6 min 391,45 ton nar ixrac edib. "Report" Dövlət Gömrük Komitəsinə istinadən xəbər verir ki, bu həcmdə narın dəyəri 6 milyon 132,62 min ABŞ dolları olub. Bu, ötən ilin eyni dövrü ilə müqayisədə həcm baxımından 1 631 ton (20,3 , dəyər baxımından isə

8 noyabr
.

Əməkhaqlarında kəskin artım gözlənilir?

Son günlər sosial şəbəkələrdə pensiya və sosial müavinətlərin artırılması ilə bağlı müzakirələr yenidən gündəmə gəlib. Sosial şəbəkələrdə zaman-zaman yüksək vəzifəli şəxslərin əməkhaqqı və təminatlarında müşahidə olunan artımlarla pensiya və müavinət artımları müqayisə edilərək sosial ödənişlərin d

8 noyabr
.

Şəhid anası: "Zəfərimiz onların sayəsində oldu"

"Hüseyn vətənini, torpağını sevən hərbçi idi. Füzulinin azad olunması uğrunda gedən döyüşlərdə iştirak edib. Şəhid olanda 29 yaşı var idi. Evli idi, bir övladı yadigar qalıb. Şəhid olanda qızı altı aylıq idi. Zəfərimiz də onların sayəsində oldu. Allah şəhidlərimizə rəhmət etsin, qazilərimizə şəf

8 noyabr
.

Şəhid Elşən Əhmədlinin anası: "Qəhrəman böyütməyimdən xəbərim olmayıb" - Video

23 yaşında adını Zəfər tariximizə həkk etdi. Vətən müharibəsində döyüşlərə qatıldı, göstərdiyi şücaətlə fərqləndi. Son döyüşü isə noyabrın 8-də oldu. Şuşanın sıldırım qayalıqlarında gedən qızğın döyüşlər zamanı şəhidlik zirvəsinə ucaldı. Zəfər Gününü görə bilməsə də, tarixi qələbəmizin qazanılmasınd

8 noyabr
.

Dövlət rəsmiləri Zəfər parkında şəhidlərin xatirəsini anırlar - YENİLƏNİB+Foto/Video

8 Noyabr - Zəfər Günü münasibətilə Azərbaycan Respublikası Ali Məhkəməsinin və Məhkəmə-Hüquq Şurasının kollektivi Zəfər parkını ziyarət edib. xəbər verir ki, ziyarətçilər parkdakı Zəfər abidəsinin önünə gül dəstələri düzüb, Vətənimizin ərazi bütövlüyü və suverenliyi uğrunda canlarından keçmiş şəhidləri

8 noyabr