Bİr kəndlinin bala canavarı xaltaya bağlayıb həyətində saxlaması sosial mediada böyük etiraz doğurub - VİDEO

Türkiyənin Van bölgəsində bir kəndlinin meşədən tutduğu balaca canavarın evinin qarşısında xaltaya bağlandığı görüntülər sosial mediada geniş rezonans doğurub.

Sonxeber.az türk mediasına istinadən xəbər verir ki, azad təbiət şəraitinə öyrəşmiş heyvan boynuna xalta taxıldığı ilk gündən etibarən bir neçə dəfə qaçmağa cəhd edib.

Sosial mediada yayılan görüntülər altında istifadəçilər müvafiq qurumları və nazirlikləri etiketləyərək balaca canavarın xilas olunması üçün çağırış ediblər. Paylaşıma yazılan şərhlərdə isə insanların narazılığı açıq şəkildə öz əksini tapıb.

Bəzi şərhlərdə belə deyilir:

"Bu etdiyi cinayət deyilmi?"
"Nazirlik də sanki cips və çərəz alıb tamaşa edir."
"Buraxın təbii mühitinə, o heyvana zülm edilir."
"Təbiəti qoruma qurumları hərəkətə keçsin!"

Hazırda hadisə ilə bağlı rəsmi qurumlardan açıqlama verilməsə də, sosial mediada heyvansevərlərin kampaniyası sürətlə yayılmağa davam edir.

Telegramda izləyin