Azyaşlıya qarşı şiddət sosial şəbəkədə qəzəb doğurdu - VİDEO

Türkiyənin Eskişehir şəhərində bir marketdə baş verən hadisə sosial mediada geniş rezonans doğurub.

Sonxeber.az türk mediasına istinadən xəbər verir ki, alış-verişə gələn bir şəxs azyaşlı uşağa qarşı fiziki zorakılıq tətbiq edib. Hadisə anbaan təhlükəsizlik kameraları tərəfindən qeydə alınıb və görüntülər sosial şəbəkələrdə yayılıb.

Kadrlarda kişinin uşağa sərt şəkildə əl qaldırdığı, onun ağladığı və qorxu içində qaldığı anlar açıq şəkildə görünür. Video yayımlandıqdan sonra sosial media istifadəçiləri hadisəyə sərt reaksiya veriblər.

İzləyicilərdən bəziləri belə şərhlər yazıblar: "Ümid edirəm ki, Sosial Xidmətlər bu uşağı dərhal onun əlindən alar", "Bu adam psixiatriya xəstəxanasına yerləşdirilməlidir. Balaca bir uşağa bunu edən hər kəs cəmiyyət üçün təhlükədir", "Bu cür insanlar cəzasız qalmamalıdır!",

Hadisə ilə bağlı rəsmi qurumlardan hələlik açıqlama verilməsə də, ictimai təzyiq fonunda məsələ ilə hüquq-mühafizə orqanlarının yaxından maraqlanacağı gözlənilir.

Telegramda izləyin