iPhone 17 Pro Max alanlar PEŞMAN OLDULAR

Apple yeni iPhone 17 Pro Max telefonlarında rəng dəyişikliyi problemi yaranıb.

Metbuat.az xəbər verir ki, telefonların narıncı rəngi solmağa başlayıb. Bu barədə istifadəçilər şikayətlər irəli sürüb. Sosial mediada paylaşılan fotolarda iPhone 17 Pro Max-ın narıncı rənginin solduğu müşahidə edilib. Bəzi istifadəçilər bu dəyişikliyin cihazın çərçivəsi və kamerası ətrafında xüsusilə nəzərə çarpdığını iddia ediblər. Mütəxəssislər rəng dəyişikliyinin əsas səbəbinin alüminium səthində oksidləşmə olduğunu hesab edirlər. Bildirilir ki, Apple belə kimyəvi reaksiyaların qarşısını almaq üçün anodlaşdırılmış qoruyucu örtükdən istifadə edir. Bəzi telefonlarla bu qoruyucu təbəqənin tam tətbiq olunmadığı iddia edilir. Bildirilir ki, bu, alüminiumun rəngini dəyişərək hava ilə reaksiyaya girməsinə səbəb olur.

Bu rəng dəyişikliyi cihazın tez-tez toxunan sahələrində xüsusilə nəzərə çarpır. Apple iddialarla bağlı rəsmi açıqlama verməyib.

Telegramda izləyin