Toyda bəyə edilən hədiyyə hər kəsi təəccübləndirdi - VİDEO

Türkiyədə keçirilən bir toy mərasimi texnologiya həvəskarlarını gülümsədəcək maraqlı bir hadisə ilə yadda qalıb.

Sonxeber.az türk mediasına istinadən xəbər verir ki, hədiyyə mərasimi zamanı bəyə qızıl və pul əvəzinə, kompüter oyunçularının sevimlisi olan RTX 4090 ekran kartı hədiyyə edilib.

Ənənəvi toylardan fərqli olaraq baş verən bu an zalda olanları həm təəccübləndirib, həm də güldürüb. Qonaqlar sırayla bəyə hədiyyələrini təqdim edərkən, bir nəfərin böyük bir qutuda ekran kartı gətirməsi zalda gülüş doğurub. Gəlin hadisəni təəccüblə izləyib, qonaqlar isə bu anı mobil telefonlarına çəkərək sosial mediada paylaşıblar.

O görüntülər qısa zamanda minlərlə baxış və şərh toplayıb.

Qeyd edək ki, RTX 4090 hazırda bazarda ən güclü ekran kartlarından biri hesab olunur. Qiyməti 90–120 min lirə arasında dəyişən bu cihaz əsasən peşəkar oyunçular və dizaynerlər tərəfindən istifadə olunur.

Beləcə, texnologiya ilə ənənəni birləşdirən bu toy, sosial mediada "ən maraqlı takı mərasimi" kimi yadda qalıb.

Telegramda izləyin