Təyyarədə qorxulu anlar! Kabinə heyyətinin anonsu hər kəsi təlaşlandırdı! - VİDEO

Köln-İstanbul istiqamətində uçan AJet aviaşirkətinə məxsus sərnişin təyyarəsində Sabiha Gökçən Hava Limanına enişə az qalmış texniki nasazlıq baş verib. Təyyarə təhlükəsiz şəkildə eniş etsə də, yaşanan gərgin anlar sərnişinlərin telefon kameralarına və salon kameralarına yansıyıb.

Sonxeber.az türk mediasına istinadən xəbər verir ki, görüntülərdə kabinə xidmət heyətinin sərnişinləri, "Zərbəyə hazır olun" sözləri ilə xəbərdar etdiyi və çırpılma anında alınması gərəkən mövqeyi göstərdiyi eşidilir. Sərnişinlər yerə bir neçə metr qalmış ölüm qorxusu ilə üz-üzə qalıblar.

Hadisə ilə bağlı AJet-in Mətbuat Katibi Mehmet Yeşilkaya açıqlama yayıb. O, sosial şəbəkədə paylaşdığı məlumatda bunları bildirib:

"2 noyabr Bazar günü VF-90 kodu ilə Köln-İstanbul reysində olan təyyarəmiz, Sabiha Gökçən Hava Limanına enişinə yaxın texniki bir problem yaşayıb. Zəruri prosedurlar tətbiq edilərək sərnişinlərə uçuş təhlükəsizliyi çərçivəsində məlumat verilib. Təyyarəmiz təhlükəsiz şəkildə eniş edib və reys hər hansı bir problem yaşanmadan tamamlanıb."

Hadisə ilə bağlı araşdırma davam edir.

Telegramda izləyin