Kuryeri təəccübləndirən "sürpriz": bəxşiş gözləyirdi, görün nə tapdı

Evdə olmayan bir müştərinin sifariş qeydinə yazdığı mesaj, kuryeri maraqlandırıb və gözlənilməz bir vəziyyətə səbəb olub.

Sonxeber.az türk mediasına istinadən xəbər verir ki, müştəri sifariş çatdırılarkən qeyddə, "Sifarişi qapıya qoyun, xalçanın altında sizə sürprizim var" sözlərini yazıb.

Mesajı oxuyan kuryer, göstərilən yerə baxdıqda isə gözləmədiyi mənzərə ilə qarşılaşıb. Xalçanın altında pul və ya təşəkkür qeydi gözləyən kuryer, bunun əvəzinə məşhur "Recep İvedik" filmindəki ikonik əl hərəkətinin yer aldığı bir fotoşəkillə üzləşib.

Sosial şəbəkələrdə paylaşılan görüntü və məlumatlar qısa müddətdə gündəm olub. Hadisə istifadəçilər arasında həm gülüş, həm də müzakirələrə səbəb olub. Bir çoxları bunu "zarafat" kimi dəyərləndirsə də, bəziləri kuryerlərin əməyinə daha çox hörmət göstərilməsinin vacibliyini vurğulayıb.

Hadisə ilə bağlı kuryerin və ya şirkətin əlavə açıqlama verib-vermədiyi məlum deyil.

Telegramda izləyin