Lobyanı necə saxlamaq lazımdır ki, içində qurd və ya böcək əmələ gəlməsin?

Lobya mətbəxdə əvəzolunmaz və çox faydalı məhsuldur. İstər yumşaq ağ, istərsə də tünd qırmızı növ olsun, o, yeməklərə xüsusi dad və qidalılıq bəxş edir. Lakin lobyanın uzun müddət hətta bir neçə il ərzində keyfiyyətini itirmədən saxlanması üçün bəzi sadə, lakin vacib qaydalara əməl etmək lazımdır.

Lent.az bu saxlama üsulunu təqdim edir:

Niyə lobyanın içində böcək əmələ gəlir?

Əslində, bu zərərvericilər lobyaya hələ sahədə yetişmə dövründə düşür. Taxıl böcəyi (zernovka) adlanan dişi həşərat yumurtalarını paxlanın qabıqlarına qoyur. Temperatur +10–12°C-yə çatdıqda, bu yumurtalardan sürfələr çıxır və təxminən 35 gün ərzində tam formalaşmış böcəyə çevrilir.

Lobya zərərvericiləri ilə necə mübarizə aparmaq olar?

1. Dondurma üsulu

Lobyaları əsas saxlamağa qoymazdan əvvəl bir neçə gün dondurucuda saxlayın. Bu, içində ola biləcək yumurta və sürfələri məhv edir.

2. Təbii qoruyucular əlavə edin

Saxlama qablarına dəfnə yarpağı, sarımsaq dişi, mixək və ya quru bibər qoyun bunlar böcəkləri uzaqlaşdırır və təbii dezinfeksiyaedici təsir göstərir.

3. Müntəzəm yoxlama

Saxlanan lobyaları vaxtaşırı yoxlayın. Əgər içərisində toz, deşik və ya tünd ləkələr görsəniz, həmin hissəni dərhal ayırın – bu, zərərvericilərin ilk əlamətidir.

Uzunmüddətli saxlanma üçün əsas qaydalar

Quru və sərin yer seçin. Lobya nəmişliklə təmasda olduqda tez kiflənir, buna görə quru, havadar və günəş işığından uzaq yer seçin.

Hava keçirməyən qabdan istifadə edin. Ən ideal variant şüşə banka və ya qapaqlı konteynerlərdir. Bu, hava və rütubətin daxil olmasının qarşısını alır.

Lobyaları kiçik porsiyalarla saxlamaq daha məqsədəuyğundur belə olduqda zərər görsə, bütün ehtiyat itmir. Əgər bu sadə qaydalara əməl etsəniz, quru lobya 1-2 il ərzində tam təhlükəsiz və dadını itirmədən saxlanacaq. Beləliklə, siz hər zaman keyfiyyətli və sağlam məhsulla dadlı yeməklər hazırlaya biləcəksiniz.

Telegramda izləyin