Heyvansevər motosiklet sürücüsü - VİDEO

Osmaniyədə bir motosiklet sürücüsü yolda tapdığı pişik balasını çiyninə qoyaraq evə apardı. Hadisə başqa bir sürücü tərəfindən telefonla qeyd olunub və sosial şəbəkələrdə geniş maraqla qarşılanıb.

Sonxeber.az türk mediasına istinadən xəbər verir ki, Fakıuşağı məhəlləsindən şəhər mərkəzinə gedən motosiklet sürücüsünün çiynində pişik balası ilə yol getdiyini görən şəxs bu anları qeyd edib. Videonu çəkən şəxs sürücüyə yaxınlaşıb: "Bu sevimlinin adı nədir?" deyə soruşub. Motosiklet sürücüsü isə cavab verdi: "Bilmirəm, qarnı ac idi, mən də götürüb sahibləndim, evdə bəsləyəcəm".

Buna cavab olaraq videonu çəkən şəxs: "Allah sənə kömək olsun, bunun savabı sənə yetər" sözləri ilə sürücünün davranışını tərifləyib. Motosiklet sürücüsü pişiyin düşməməsi üçün bir müddət sonra onu kurtkasının içinə yerləşdirərək yoluna davam edib.

Sosial mediada yayılan video qısa müddətdə çoxsaylı bəyənmə və paylaşımlar toplayıb. İzləyicilər heyvansevər sürücünü davranışı ilə tərifləyiblər.

Telegramda izləyin