Nasistlərin əfsanəvi "qızıl qatarı"na aid bəzi sübutlar tapıldı

Bir qrup polşalı tədqiqatçı bildirib ki, onların əlində nasistlərin "qızıl qatarı"nın mövcudluğunu təsdiq edən yeni məlumatlar var.

Oxu.Az xəbər verir ki, bu barədə Dziennik.pl nəşri yazıb.

Tədqiqatçıların sözlərinə görə, onların Aşağı Sileziya ərazisində apardıqları georadar tədqiqatlar bir neçə vaqon uzunluğunda tunelə bənzəyən yeraltı anomaliya aşkar edib.

Bildirilir ki, komanda meşə massivində daha çox axtarış işlərinin aparılması üçün icazə almağa çalışacaq.

Hazırda qatarın aşkar edilməsi ilə bağlı rəsmi təsdiq yoxdur. Lakin mütəxəssislər vurğulayırlar ki, georadarla əldə edilmiş məlumatlar ilkindir və potensial qazıntılar da daxil olmaqla, əlavə araşdırmalar tələb edir.

"Qızıl qatar" əfsanəsi müharibənin son aylarında nasistlərin Aşağı Sileziyada qızıl, sənət əsərləri və digər qiymətli əşyalarla yüklənmiş qatarı gizlədə biləcəkləri ehtimalına əsaslanır. Lakin çoxsaylı axtarışlara baxmayaraq, bu qatarın mövcudluğuna dair real sübutlar hələ də təqdim edilməyib.

Telegramda izləyin