Həvəskar futbola qapıçı tapmayan iş adamı görün nə etdi!

İzmirdə yaşayan 22 yaşlı gənc sahibkar Kaan Tınmaz maraqlı təşəbbüsü ilə diqqət çəkir. O, halı sahalarda tez-tez rast gəlinən "qapıçı çatışmazlığı" problemini fürsətə çevirərək bunu gəlir mənbəyinə çevirib.

Sonxeber.az türk mediasına istinadən xəbər verir ki, əvvəllər həvəskar liqalarda qapıçı kimi çıxış edən Tınmaz, sonradan halı sahalarda oynayan komandaların da qapıçı tapmaqda çətinlik çəkdiyini müşahidə edib. Bu ehtiyacı düzgün qiymətləndirən gənc futbolçu, 600 TL qarşılığında "kirayə qapıçı" xidməti göstərməyə başlayıb.
Hazırda müxtəlif halı sahalarda oyunlara qatılan Kaan Tınmaz, komandaların qapıçı problemini həll etməklə yanaşı, onların ağır məğlubiyyətlərdən xilas olmasına da kömək edir. Onun sözlərinə görə, bəzi komandalar qapıçı olmadığı üçün oyunlara ya məğlub başlayır, ya da ümumiyyətlə oynamaqdan imtina edirlər.
Bu qeyri-adi biznes modeli Tınmaza həm müntəzəm gəlir qazandırır, həm də futbol bacarıqlarını aktiv şəkildə qoruyub saxlamağa imkan verir. Gənc sahibkar gələcəkdə bu xidməti daha da genişləndirərək, onlayn sifariş sistemi və komanda ilə işləyən peşəkar qapıçılar şəbəkəsi qurmağı planlaşdırdığını da bildirib.
Kaan Tınmazın təşəbbüsü sosial mediada da maraqla qarşılanıb və bir çoxları tərəfindən idmanda yaradıcı sahibkarlığın uğurlu nümunəsi kimi dəyərləndirilir.

Telegramda izləyin