İnternetdə tanış olduğu qıza evlənmə təklifi etmək üçün 10 min kilometr yol gedən gənc, aldığı cavabın qarşısında şok olub - VİDEO

İnternet vasitəsilə tanış olduğu indoneziyalı gənc qızla görüşmək üçün iki ölkə arasında 10 min kilometrdən çox məsafə qət edən hindistanlı bir kişinin yaşadıqları sosial mediada yayılan video ilə gündəmə gəlib.

Sonxeber.az xarici mediaya istinadən xəbər verir ki, Sumit adlı hindistanlı kişi internet üzərindən tanış olduğu indoneziyalı qadınla ortaq dil bilmədən ünsiyyət qurub. Tərcümə proqramları vasitəsilə davam edən bu əlaqə Sumiti evlənmək ümidi ilə İndoneziyaya getməyə sövq edib.

Hindistandan İndoneziyaya getmək üçün 10 min kilometrdən çox yol qət edən Sumit, evlilik təklifini əvvəlcə ingilis dilində etsə də, qadının onu anlamadığını görüb Google Translate-dən istifadə edib.

Ümidlə cavab gözlədiyi anlar isə acı sonluqla bitib. Qadının verdiyi cavab qısa və qəti olub: "Səni istəmirəm, ölkənə geri dön."

Yaşanan anların əks olunduğu video qısa müddətdə sosial şəbəkələrdə yayılıb.

Bir çox istifadəçi "Bu qədər yol, bu qədər zəhmət bir cümlə ilə bitdi" kimi şərhlərlə hadisəyə münasibət bildirib.

Telegramda izləyin